ചെറുതോണി: കൊച്ചൗസേപ്പ് ചിറ്റിലപ്പള്ളി ഫൗണ്ടേഷനും കാർഗീനോസ് ഫൗണ്ടേഷനും ചേർന്ന് കഞ്ഞിക്കുഴി ഗിരിജ്യോതി ക്രെഡിറ്റ് യൂണിറ്റിന്റെ നേതൃത്വത്തിൽ സൗജന്യ കാൻസർ നിർണയ ക്യാമ്പ് നടത്തി. കഞ്ഞിക്കുഴി സെന്റ് മേരീസ് പാരീഷ് ഹാളിൽ നടന്ന ക്യാമ്പ് ഹൈറേഞ്ച് ഡെവലപ്മെന്റ് സൊസൈറ്റി എക്സിക്യൂട്ടീവ് ഡയറക്ടർ ഫാ. ജോസഫ് കൊച്ചുകുന്നേൽ ഉദ്ഘാടനം ചെയ്തു.
ക്രെഡിറ്റ് യൂണിയൻ ഡയറക്ടർ ഫാ. ടോമി ലൂക്ക ആനിക്കുഴിക്കാട്ടിൽ അധ്യക്ഷത വഹിച്ചു. കാർഗിനോസ് സ്റ്റേറ്റ് പ്രോഗ്രാം കോ-ഒാർഡിനേറ്റർ ഹണി ദേവസ്യ, ഗിരി ജ്യോതി ക്രഡിറ്റ് യൂണിയൻ പ്രസിഡന്റ് ഷില്ലു തോമസ്, സെക്രട്ടറി കുഞ്ഞമ്മ തോമസ്, സിസ്റ്റർ ജോസ്ന, റോഷൻ ജോൺ എന്നിവർ പ്രസംഗിച്ചു. ക്യാമ്പിന് ഡോർക്ടർമാരായ എ.എൽ. ആസിയ, ഡയാന അലക്സാണ്ടർ എന്നിവർ നേതൃത്വം നൽകി.