മുട്ടം: കാക്കൊന്പ് ആർപിഎസിനു കീഴിൽ കേരള റബർ ലിമിറ്റഡിന്റെ സഹായത്തോടെ പ്രവർത്തിക്കുന്ന കെആർജി ഇവന്റ്സിന്റെ നേതൃത്വത്തിൽ ആരംഭിച്ച കാർഷികമേഖലയ്ക്ക് ഒരു കർമസേന പദ്ധതിയുടെ ഉദ്ഘാടനവും പരിശീലനം നേടിയ വിദഗ്ധ ടാപ്പർമാരുടെ സർട്ടിഫിക്കറ്റ് വിതരണവും നടത്തി. കേരള റബർ ലിമിറ്റഡ് ചെയർപേഴ്സണ് ഷീല തോമസ് ഉദ്ഘാടനം ചെയ്തു.
ആർപിഎസ് പ്രസിഡന്റ് ജോസഫ് മാത്യു അധ്യക്ഷത വഹിച്ചു. കെആർഎൽ പ്രതിനിധി ഡോ. ബി. രാജീവൻ പദ്ധതി അവതരിപ്പിച്ചു. പരിശീലനം പൂർത്തിയാക്കിയ ടാപ്പർമാർക്കുള്ള സർട്ടിഫിക്കറ്റും കിറ്റും യൂണിഫോമും വിതരണം ചെയ്തു. കയ്യൂർ പള്ളി വികാരി ഫാ. ജീവൻ കദളിക്കാട്ടിൽ, ടോം ജോസഫ്, റബർ ബോർഡ് ഡെവലപ്മെന്റ് ഓഫീസർ വി.ജി. സന്തോഷ്, ഗ്രാമീണ് ബാങ്ക് മാനേജർ ടി.ഇ. അനൂപ്, ടോം സി. ജോസഫ്, ബ്ലസന്റ് ജോർജ്, ബെന്നി മാത്യു, സുജി കുര്യാക്കോസ് എന്നിവർ പ്രസംഗിച്ചു.