അ​ന്ന് പെ​ട്ടി​മു​ടി​യി​ൽ, ഇ​ന്ന​ലെ ...
Wednesday, July 31, 2024 6:02 AM IST
മൂ​ന്നാ​ർ: മൂ​ന്നാ​റി​ലെ പെ​ട്ടി​മു​ടി ദു​ര​ന്ത​ത്തി​ന്‍റെ ഓ​ർ​മ​ക​ളു​ടെ നാ​ലാം വാ​ർ​ഷി​ക ദി​ന​ത്തി​ന് നാ​ളു​ക​ൾ ബാ​ക്കി നി​ൽ​ക്കെ​യാ​ണ് കേ​ര​ള​ത്തെ ന​ടു​ക്കി​യ വ​യ​നാ​ട് മു​ണ്ട​ക്കൈ​യി​ലെ ഉ​രു​ൾ​പൊ​ട്ട​ൽ ദു​ര​ന്തം. അ​പ​ക​ട​ത്തി​ന്‍റെ വ്യാ​പ്തി​യേ​റു​ന്ന വ​യ​നാ​ട്ടി​ലെ ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് നേ​രി​ടു​ന്ന വെ​ല്ലു​വി​ളി​ക​ൾ ത​ന്നെ​യാ​യി​രു​ന്നു പെ​ട്ടി​മു​ടി​യി​ലും ഉ​ണ്ടാ​യ​ത്. നാ​ലു വ​ർ​ഷ​ത്തി​നിടയ്ക്ക് വ​യ​നാ​ട്ടി​ലും പെ​ട്ടി​മു​ടി​യി​ലും ന​ട​ന്ന ദു​ര​ന്ത​ങ്ങ​ൾ​ക്ക് സ​മാ​ന​ത​ക​ളേ​റെ​യാ​ണ്.

സ​മാ​ന​മാ​യ ഭൂ​പ്ര​കൃ​തി​യാ​യി​രു​ന്നു ര​ണ്ടി​ട​ങ്ങ​ളി​ലു​മു​ണ്ടാ​യി​രു​ന്ന​ത്. സ്വ​കാ​ര്യ തേ​യി​ലത്തോ​ട്ട​ങ്ങ​ളി​ലാ​യി​രു​ന്നു ര​ണ്ടു ദു​ര​ന്ത​ങ്ങ​ളും സം​ഭ​വി​ച്ച​ത്. പെ​ട്ടി​മു​ടി​യി​ൽ അ​പ​ക​ടം ന​ട​ന്ന സ​മ​യ​ത്തു ത​ന്നെ​യാ​യി​രു​ന്നു വ​യ​നാ​ട്ടി​ൽ ഉ​രു​ൾ​പൊ​ട്ടിത്തു​ട​ങ്ങി​യ​ത്. 2020 ഓ​ഗ​സ്റ്റ് ആ​റി​ന് രാ​ത്രി​യോ​ടെ​യാ​യി​രു​ന്നു പെ​ട്ടി​മു​ടി​യു​ടെ ഉ​യ​ര​ങ്ങ​ളി​ൽനി​ന്ന് ഉ​രു​ൾ​പൊ​ട്ടി​യി​റ​ങ്ങി​യ​ത്. ക​ന​ത്ത പേ​മാ​രി​യി​ൽ ജീ​വ​ൻ ന​ഷ്ട​പ്പെ​ട്ട​വ​രി​ൽ ഏ​റെപ്പേ​രും നേ​ര​ത്തേ ഉ​റ​ങ്ങാ​ൻ കി​ട​ന്ന​വ​രാ​യി​രു​ന്നു. ഉ​റ​ക്ക​ത്തി​നി​ട​യ്ക്ക് എ​ന്തെ​ന്നുപോ​ലും തി​രി​ച്ച​റി​യു​ന്ന​തി​നു മു​ന്പേ മ​ര​ണ​മ​ട​ഞ്ഞ​വ​ർ ഏ​റെ​യാ​ണ്.

ക​ന​ത്ത മ​ഴ​യി​ലും കാ​റ്റി​ലും നേ​ര​ത്തേ ഉ​റ​ങ്ങാ​ൻ കി​ട​ന്ന​വ​ർ രാ​ത്രി ഉ​യ​ർ​ന്ന മ​ല​മു​ക​ളി​ൽനി​ന്നും ഒ​ലി​ച്ചി​റ​ങ്ങി​യ ഉ​രു​ൾ​പൊ​ട്ട​ലി​ന്‍റെ തീ​വ്ര​ത​യി​ൽ മ​ണ്ണി​ന​ടി​യി​ൽ പു​ത​ഞ്ഞു. ആ​ർ​ത്ത​ല​ച്ചെ​ത്തി​യ വെ​ള്ള​പ്പാ​ച്ചി​ലി​ൽ മൂ​ന്നു ല​യ​ങ്ങ​ളും കാ​ന്‍റീ​ൻ, ലേ​ബ​ർ ക്ല​ബ് എ​ന്നീ കെ​ട്ടി​ട​ങ്ങ​ളും ത​ക​ർ​ന്ന​ടി​ഞ്ഞു.
ഈ ​കെ​ട്ടി​ട​ങ്ങ​ൾ അ​വി​ടെ ഉ​ണ്ടാ​യി​രു​ന്നു എ​ന്നുപോ​ലും തി​രി​ച്ച​റി​യാ​നാ​വാ​ത്ത വി​ധ​ത്തി​ൽ ചെ​ളി​യും വ​ലി​യ പാ​റ​ക്കെ​ട്ടു​ക​ളും അ​ടി​ഞ്ഞു​കൂ​ടി. അ​രു​താ​ത്ത​തെ​ന്തോ സം​ഭ​വി​ച്ചു എ​ന്നു മ​ന​​സി​ലാ​ക്കി അ​വി​ടെയെ​ത്തി​യ എ​സ്റ്റേ​റ്റ് നി​വാ​സി​ക​ൾ​ക്ക് എ​ന്താ​ണ് അ​വി​ടെ ന​ട​ന്ന​തെ​ന്നുപോ​ലും തി​രി​ച്ച​റി​യാ​നാ​യി​ല്ല.

മൂ​ന്നു ദി​വ​സ​ങ്ങ​ളാ​യി ക​റ​ന്‍റ് ഇ​ല്ലാ​ത്ത​തു കാ​ര​ണ​വും പ്ര​തി​കൂ​ല കാ​ലാ​വ​സ്ഥ​യും പെ​ട്ടി​മു​ടി​യെ ക​ന​ത്ത ഇ​രു​ളി​ൽ മു​ക്കി​യി​ട്ടു. നേ​രം വെ​ളു​ത്തി​ട്ട് എ​ന്തെ​ങ്കി​ലും ചെ​യ്യാം എ​ന്നുക​രു​തി മ​ട​ങ്ങി​യ​വ​ർ പി​റ്റേ​ന്നു പു​ല​ർ​ച്ചെ ക​ണ്ട​ത് അ​വി​ശ്വ​സ​നീ​യ രം​ഗ​ങ്ങ​ളാ​യി​രു​ന്നു. ത​ങ്ങ​ളു​ടെ പ്രി​യ​പ്പെ​ട്ട​വ​രും ബ​ന്ധു​ക്ക​ളും താ​മ​സി​ച്ചി​രു​ന്ന എ​സ്റ്റേ​റ്റ് ല​യ​ങ്ങ​ൾ നി​ല​നി​ന്നി​രു​ന്ന സ്ഥ​ലം പാ​റ​ക്കെ​ട്ടു​ക​ളും ചെ​ളി​ക്കൂ​ന​ക​ളു​മാ​യി മാ​റി​യി​രു​ന്നു.

കു​റെ ദി​വ​സ​ങ്ങ​ളാ​യി ഫോ​ണ്‍ ക​ണ​ക്‌ഷനും പ്ര​വ​ർ​ത്ത​ന ര​ഹി​ത​മാ​യി​രു​ന്ന​തി​നാ​ൽ സം​ഭ​വം പു​റം​ലോ​ക​ത്തേ​ക്ക് അ​റി​യി​ക്കാ​ൻ ഏ​റെ കാ​ല​താ​മ​സ​മെ​ടു​ക്കു​ക​യും ചെ​യ്തു. രാ​വി​ലെ ഏ​ഴു മ​ണി​യോ​ടെ​യാ​ണ് വാ​ർ​ത്ത പു​റംലോ​ക​മ​റി​ഞ്ഞു തു​ട​ങ്ങി​യ​ത്. പോ​ലീ​സും അ​ഗ്നി​ശ​മ​ന സേ​നാം​ഗ​ങ്ങ​ളും വി​വ​ര​മ​റി​ഞ്ഞ​യു​ട​ൻ സം​ഭ​വസ്ഥ​ല​ത്തേ​ക്ക് പാ​ഞ്ഞെ​ത്തി.


ജ​ന​പ്ര​തി​നി​ധി​ക​ളും വി​വി​ധ വ​കു​പ്പു​ക​ളി​ലെ അ​ധി​കാ​രി​ക​ളും പ്ര​തി​കൂ​ല സാ​ഹ​ച​ര്യ​ങ്ങ​ളെ മ​റി​ക​ട​ന്ന് പെ​ട്ടി​മു​ടി​യി​ലെ​ത്തി. പി​ന്നീ​ട് ക​ണ്ട​ത് ഹൃ​ദ​യം പി​ള​ർ​ക്കു​ന്ന രം​ഗ​ങ്ങ​ളാ​യി​രു​ന്നു. മ​ണ്ണി​ന​ടി​യി​ൽ പു​ത​ഞ്ഞ നി​ല​യി​ൽ മൃ​ത​ദേ​ഹ​ങ്ങ​ൾ ഒ​ന്നൊ​ന്നാ​യാ​ണ് പു​റ​ത്തെ​ടു​ത്ത​ത്. പി​ഞ്ചുകു​ട്ടി​ക​ൾ മു​ത​ലു​ള്ള​വ​രു​ടെ മ​ണ്ണി​ൽ പു​ത​ഞ്ഞ ശ​രീ​ര​ങ്ങ​ൾ കോ​രി​യെ​ടു​ക്കു​ന്പോ​ഴും ക​ന​ത്ത മ​ഴ തു​ട​രു​ക​യാ​യി​രു​ന്നു. സം​ഭ​വ​ത്തി​ന്‍റെ തീ​വ്രത ബോ​ധ്യ​മാ​യ​തോ​ടെ ദേ​ശീ​യ ദു​ര​ന്ത​നി​വാ​ര​ണ സേ​ന​യു​ടെ 52 പേ​ര​ട​ങ്ങു​ന്ന സം​ഘം പെ​ട്ടി​മു​ടി​യി​ലെ​ത്തി. പി​ന്നീ​ട് ക​ണ്ട​ത് കേ​ര​ള​ത്തി​ന്‍റെ ച​രി​ത്ര​ത്തി​ലെത​ന്നെ സ​മാ​ന​ത​ക​ളി​ല്ലാ​ത്ത വി​ധ​ത്തി​ലു​ള്ള ര​ക്ഷാപ്ര​വ​ർ​ത്ത​ന​ങ്ങ​ളാ​യി​രു​ന്നു.

കേ​ര​ള​ത്തി​ന്‍റെ വി​വി​ധ ജി​ല്ല​ക​ളി​ൽനി​ന്നും പ​രി​ശീ​ല​നം നേ​ടി​യ ദു​ര​ന്ത​നി​വാ​ര​ണ സ​ന്ന​ദ്ധസേ​നാം​ഗ​ങ്ങ​ളും സ​ന്ന​ദ്ധ പ്ര​വ​ർ​ത്ത​ക​രും നാ​ട്ടു​കാ​രു​മെ​ല്ലാം ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കാ​യി മു​ന്നി​ട്ടി​റ​ങ്ങി. ര​ക്ഷാപ്ര​വ​ർ​ത്ത​ന​ങ്ങ​ൾ മൂ​ന്നാ​ഴ്ച​യോ​ളം നീ​ണ്ടു നി​ന്നു. അ​ഞ്ചു കി​ലോ​മീ​റ്റ​റി​ല​ധി​കം ദൂ​രം പു​ഴ​യി​ലൂ​ടെ ഒ​ലി​ച്ചെ​ത്തി ദു​ർ​ഘ​ട പ്ര​ദേ​ശ​ത്ത് ത​ങ്ങി​യ മൃ​ത​ദേ​ഹ​ങ്ങ​ൾ പോ​ലും ക​ണ്ടെ​ടു​ത്തു. കാ​ണാ​താ​യ 70 പേ​രി​ൽ 66 പേ​രെ​യും ര​ക്ഷാ​പ്ര​വ​ർ​ത്ത​ക​ർ ക​ണ്ടെ​ത്തി. നാ​ലു പേ​രെ ക​ണ്ടെ​ത്താ​നാ​യി​ല്ലെ​ങ്കി​ലും പി​ന്നീ​ട് അ​വ​രെ മ​രി​ച്ച​താ​യി സ​ർ​ക്കാ​ർ പ്ര​ഖ്യാ​പി​ച്ചു.

ദു​ഷ്ക​ര​മാ​യ ര​ക്ഷാ​പ്ര​വ​ർ​ത്ത​നം

അ​ത്യ​ന്തം ദു​ഷ്ക​ര​മാ​യ സാ​ഹ​ച​ര്യ​ങ്ങ​ളി​ലാ​യി​രു​ന്നു പെ​ട്ടി​മു​ടി​യി​ലെ തെര​ച്ചി​ൽ ദൗ​ത്യം. പെ​ട്ടി​മു​ടി​യി​ൽനി​ന്നും പ​തി​നാ​ലു കി​ലോ​മീ​റ്റ​ർ അ​ക​ലെ​യു​ള്ള ഉ​ൾ​ക്കാ​ട്ടി​നു​ള്ളി​ൽ നി​ന്നു​മാ​യി​രു​ന്നു അ​വ​സാ​നം മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​ത്. വ​ന്യ​മൃ​ഗ​ങ്ങ​ളും ദു​ർ​ഘ​ട​സാ​ഹ​ച​ര്യ​ങ്ങ​ളും അ​പ​ക​ട​ക്കെ​ണി​ക​ളും നി​റ​ഞ്ഞ സാ​ഹ​ച​ര്യ​ങ്ങ​ളെ അ​തി​ജി​വി​ച്ചാ​ണ് ദി​വ​സ​ങ്ങ​ളോ​ളം ര​ക്ഷാ​ദൗ​ത്യം തു​ട​ർ​ന്ന​ത്. പെ​ട്ടി​മു​ടി​യി​ൽനി​ന്ന് ഒ​ന്ന​രക്കി​ലോ​മീ​റ്റ​ർ ക​ഴി​ഞ്ഞു​ള്ള ഗ്രേ​വ​ൽ ബാ​ങ്കി​നുശേ​ഷം വ​ന​മേ​ഖ​ല​യാ​ണ്.

ജ​ന​സ​ഞ്ചാ​രം ഇ​ല്ലാ​ത്ത മേ​ഖ​ല​യാ​യ​തി​നാ​ൽ വ​ന്യ​മൃ​ഗ​ങ്ങ​ൾ വി​ഹ​രി​ക്കു​ന്ന പ്ര​ദേ​ശ​വും കൂ​ടി​യാ​ണി​ത്. ഇ​തി​ൽ പൂ​ത​ക്കി​ട​ങ്ങ് എ​ന്നു വി​ളി​ക്കു​ന്ന ഏ​റ്റ​വും ദു​ർ​ഘ​ട​സാ​ഹ​ച​ര്യം നി​ല​നി​ൽ​ക്കു​ന്ന സ്ഥ​ല​ത്താ​ണ് വെ​ല്ലു​വി​ളിനി​റ​ഞ്ഞ ര​ക്ഷാ​പ്ര​വ​ർ​ത്ത​നം ന​ട​ന്ന​ത്. ദൗ​ത്യ​ത്തി​നി​ട​യി​ൽ ര​ക്ഷാ​സേ​ന​യി​ലെ ചി​ല​ർ കാ​ട്ടു​പോ​ത്തി​നെ​യും പു​ലി​യെ​യും ക​ണ്ടി​രു​ന്നു. കു​ത്ത​നെ​യു​ള്ള ഇ​റ​ക്കം നി​റ​ഞ്ഞ പ്ര​ദേ​ശ​ത്ത് സാ​ഹ​സി​കരം​ഗ​ത്ത് വൈ​ദ​ഗ്ധ്യ​മു​ള്ള മൂ​ന്നാ​റി​ലെ സം​ഘം ത​ന്നെ​യാ​ണ് തെര​ച്ചി​ലി​ന് നേ​തൃ​ത്വം ന​ൽ​കി​യ​ത്.