മോസ്കോ: ആണവശക്തിയിൽ പ്രവർത്തിക്കുന്ന പൊസൈഡോൺ എന്ന ജല ഡ്രോൺ വിജയകരമായി പരീക്ഷിച്ചതായി റഷ്യൻ പ്രസിഡന്റ് വ്ലാദിമിർ പുടിൻ അറിയിച്ചു.
ചെറിയ ആണവ റിയാക്ടർ എൻജിനാണ് ഇതിനു കരുത്തു പകരുന്നത്. ജലത്തിനടിയിൽ എത്രദൂരം വേണമെങ്കിലും സഞ്ചരിക്കാനുള്ള കഴിവ് ഇതിനുണ്ടെന്ന് പുടിൻ അവകാശപ്പെട്ടു. അന്തർവാഹിനിയിൽനിന്നാണ് ജലഡ്രോൺ പരീക്ഷിച്ചത്.
ആണവ റിയാക്ടർ എൻജിൻ ഘടിപ്പിച്ച ബുറെവെസ്റ്റ്നിക് എന്ന ക്രൂസ് മിസൈൽ വിജയകരമായി പരീക്ഷിച്ചതായി റഷ്യൻ വൃത്തങ്ങൾ നേരത്തേ അറിയിച്ചിരുന്നു. ഈ മിസൈലിനും എത്രദൂരം വേണമെങ്കിലും സഞ്ചരിക്കാനുള്ള കഴിവുണ്ടെന്നാണ് റഷ്യ അവകാശപ്പെടുന്നത്.
Tags : water drone Russia nuclear tests