ദീപശിഖ, ചീഫ് മിനിസ്റ്റേഴ്‌സ് ട്രോഫി ഘോഷയാത്രകള്‍ ആരംഭിച്ചു
Saturday, November 2, 2024 1:14 AM IST
കൊച്ചി: കേരള സ്‌കൂള്‍ കായികമേളയുടെ ദീപശിഖാ ഘോഷയാത്ര കാസര്‍ഗോഡ് ഹൊസ്ദുര്‍ഗ് ഗവ. ഹയര്‍ സെക്കൻഡറി സ്‌കൂളില്‍നിന്നും ചീഫ് മിനിസ്റ്റേഴ്‌സ് ട്രോഫി ഘോഷയാത്ര തിരുവനന്തപുരം ഗവ. മോഡല്‍ സ്‌കൂളില്‍നിന്നും ഇന്നലെ ആരംഭിച്ചു.
ചീഫ് മിനിസ്റ്റേഴ്‌സ് ട്രോഫി ഘോഷയാത്ര വിദ്യാഭ്യാസ മന്ത്രി വി. ശിവന്‍കുട്ടി ഫ്ലാഗ് ഓഫ് ചെയ്തു. സ്വര്‍ണക്കപ്പ് യാത്ര നാലിന് എറണാകുളം ജില്ലയില്‍ എത്തിച്ചേരും.
66-ാമത് സംസ്ഥാന സ്‌കൂള്‍ കായികമേളയുടെ പ്രചാരണാര്‍ഥം സംഘടിപ്പിക്കുന്ന യാത്രയ്ക്ക് വന്‍ വരവേല്‍പ്പ് നല്‍കി മേളയുടെ പ്രധാന വേദിയായ മഹാരാജാസ് സ്റ്റേഡിയത്തില്‍ എത്തിക്കും.