എന്‍എസ്എസ് പതാകദിനം ആചരിച്ചു
Friday, November 1, 2024 2:20 AM IST
ചങ്ങനാശേരി: മന്നത്ത് ആചാര്യസ്മരണയില്‍ എന്‍എസ്എസ് സ്ഥാപകദിനം പതാക ദിനമായി ആചരിച്ചു. എന്‍എസ്എസ് ആസ്ഥാനത്തും സംസ്ഥാനത്തെ യൂണിയന്‍ ആസ്ഥാനങ്ങളിലും കരയോഗ കേന്ദ്രങ്ങളിലും പതാക ഉയര്‍ത്തി.
മന്നം സമാധിയില്‍ പുഷ്പാര്‍ച്ചനയ്ക്ക് ശേഷം എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍ പതാക ഉയര്‍ത്തി. തുടര്‍ന്ന് സംഘടനയ്ക്ക് രൂപം നല്‍കിയപ്പോള്‍ കത്തിച്ച നിലവിളക്കിന് മുന്നില്‍ സമൂദായാചാര്യനും മറ്റ് 13 പേരു ചേര്‍ന്ന് ചൊല്ലിയ പ്രതിജ്ഞ എന്‍എസ്എസ് ജനറല്‍ സെക്രട്ടറി ചൊല്ലിക്കൊടു ത്തു. തുടര്‍ന്ന് എന്‍എസ്എസ് ആസ്ഥാനത്തിന് മുന്നില്‍ പ്രസിഡന്‍റ് ഡോ. എം. ശശികുമാര്‍ പതാക ഉയര്‍ത്തി.