കുട്ടികളുടെ ബാങ്ക് അക്കൗണ്ടിലേക്ക് തുക നേരിട്ടു നല്കുമെന്നു പറഞ്ഞ് രണ്ടുവര്ഷമായി വിവരശേഖരണം നടക്കുന്നുണ്ട്. മുന് കുടിശികയ്ക്കൊപ്പം ഓരോവര്ഷവും സ്കോളര്ഷിപ് നേടുന്നവരുടെ എണ്ണം കൂടിവരുന്നതിനാല് സര്ക്കാരിന് ബാധ്യതയേറുകയാണ്. അനുവദിക്കുന്ന ഫണ്ട് പലപ്പോഴും തികയാറില്ല. സ്കൂളുകളിലേക്കാണ് മുമ്പ് തുക നല്കിയിരുന്നത്. കൂടുതല് കുട്ടികള് വിജയിക്കുന്ന സ്കൂളുകള്ക്ക് അന്നും കുടിശിക ഉണ്ടായിരുന്നു.
എല്എസ്എസിന് 1000, യുഎസ്എസിന് 1500 പഠനത്തില് മുമ്പില് നില്ക്കുന്ന കുട്ടികളെ കണ്ടെത്തി പ്രോത്സാഹനം നല്കുകയെന്ന ലക്ഷ്യത്തോടെയാണ് എല്എസ്എസ്, യുഎസ്എസ് പരീക്ഷകള് നടത്തുന്നത്. നാലാം ക്ലാസിലെ എല്എസ്എസ് പരീക്ഷ ജയിക്കുന്ന കുട്ടിക്ക് അഞ്ച്, ആറ്, ഏഴ് ക്ലാസുകളില് പ്രതിവര്ഷം 1000 രൂപ വീതവും ഏഴാം ക്ലാസിലെ യുഎസ്എസ് പരീക്ഷ വിജയിക്കുന്ന കുട്ടിക്ക് ഹൈസ്കൂള് ക്ലാസുകളില് പ്രതിവര്ഷം 1500 രൂപ വീതവുമാണ് സ്കോളര്ഷിപ് നല്കുന്നത്. ഈ തുക വര്ധിപ്പിച്ചതാകട്ടെ രണ്ടുവര്ഷം മുമ്പാണ്.