ഇത്ര വലിയ ദുരന്തവും നാശനഷ്ടവും ഉണ്ടായിട്ടും കേന്ദ്ര സര്ക്കാരിന്റെ ഭാഗത്തു നിന്നും ഒരു സഹായവും ഉണ്ടായില്ലെന്നു പ്രതിപക്ഷനേതാവ് വി.ഡി സതീശന് പറഞ്ഞു.
align='center' class='contentImageInside' style='padding:6px;'>
പ്രധാനമന്ത്രിയുടെ സന്ദര്ശനത്തിനു ശേഷം കേന്ദ്ര സര്ക്കാരിന്റെ ഭാഗത്തു നിന്നും വലിയൊരു സഹായമുണ്ടാകുമെന്ന് പ്രതീക്ഷിച്ചു. എന്നാല് പ്രത്യേക സാമ്പത്തിക പാക്കേജാണ് പ്രതീക്ഷിച്ചതെങ്കിലും താത്കാലികമായ ഒരു അലോക്കേഷന് പോലും കേന്ദ്ര സര്ക്കാരില് നിന്നും ഉണ്ടാകാത്തത് ദൗര്ഭാഗ്യകരമാണെന്നും അദ്ദേഹം പറഞ്ഞു.
പ്രത്യേക സാമ്പത്തിക സഹായം നല്കാത്തത് പ്രതിഷേധാര്ഹമാണെന്ന് ഇ. ചന്ദ്രശേഖര് പറഞ്ഞു. ഇക്കാര്യത്തില് കേന്ദ്ര സര്ക്കാരിനോടുള്ള എതിര്പ്പ് രേഖപ്പെടുത്തുകയാണെന്നും അദ്ദേഹം കൂട്ടിച്ചേര്ത്തു. കേന്ദ്രത്തില് നിന്നും കിട്ടേണ്ട അവകാശം കൃത്യമായി ലഭിക്കണമെന്നു പി.കെ കുഞ്ഞാലിക്കുട്ടി ആവശ്യപ്പെട്ടു. കേന്ദ്ര സഹായം വൈകിപ്പിക്കുന്ന നടപടിയെ റോഷി അഗസ്റ്റിന് സഭയില് അപലപിച്ചു.
ദുരന്ത മേഖലയില് പ്രധാനമന്ത്രി സന്ദര്ശനം നടത്തിയത് ഏറെപ്രതീക്ഷ നല്കിയിരുന്നുവെന്നും എന്നാല് സഹായം ലഭിക്കാത്തതില് ഖേദമുണ്ടെന്നും കെ.ബി ഗണേഷ്കുമാര് പറഞ്ഞു. മാണി. സി കാപ്പന്, അഹമ്മദ് ദേവര്കോവില് എന്നിവരും കേന്ദ്രാവഗണനയെ വിമര്ശിച്ചു.
സന്നദ്ധ സംഘടനകളുടെ യോഗം ഈ മാസം വിളിച്ചുചേര്ക്കും: മന്ത്രി രാജന് വയനാട് മേപ്പാടിയിലെ പുനരധിവാസ പ്രവര്ത്തനങ്ങളില് സന്നദ്ധ സംഘടനകളുടെ പങ്കാളിത്തം ഉള്പ്പെടെയുള്ള കാര്യങ്ങള് ചര്ച്ച ചെയ്യാനായി ഈ മാസം യോഗം വിളിക്കുമെന്നു റവന്യു മന്ത്രി കെ. രാജന്. നിയമസഭയിലാണ് മന്ത്രി ഇക്കാര്യം അറിയിച്ചത്. പല സന്നദ്ധ സംഘടനകളും പുനരധിവാസ പ്രവര്ത്തനങ്ങളില് പങ്കാളികളാകാമെന്ന് അറിയിച്ചിട്ടുണ്ടെന്നും ഇക്കാര്യത്തില് സര്ക്കാരിന്റെ ഭാഗത്തു നിന്നും ഇടപെടല് ഉണ്ടാവണമെന്നും പി.കെ കുഞ്ഞാലിക്കുട്ടി ഉള്പ്പെടെയുള്ളവര് നിര്ദേശം മുന്നോട്ടുവച്ചിരുന്നു.
വയനാട്ടില് പുനരധിവാസത്തിനായി 2005 ലെ ഡിസാസ്റ്റര് നിയമപ്രകാരം ഭൂമി ഏറ്റെടുക്കാനുള്ള നടപടികളാണ് പുരോഗമിക്കുന്നത്. പുതുതായി വീടുകള് നിര്മിക്കുന്നതിനായി രണ്ട് ലിസ്റ്റുകള് സര്ക്കാര് തയാറാക്കും. നിലവില് വീടും സ്ഥലവും നഷ്ടമായവരുടെ ഒരു ലിസ്റ്റും നിലവില് ആ മേഖലയില് വീട് ഉണ്ടെങ്കിലും ഇനിയും അവിടേക്ക് പോകാന് പറ്റാത്തവരുടെ മറ്റൊരു ലിസ്റ്റുമാണിത്.
ഈ ലിസ്റ്റുകള് സര്ക്കാര് പ്രസിദ്ധീകരിച്ച് പൊതുഅഭിപ്രായം തേടിയ ശേഷം മാത്രമേ തുടര് നടപടികള് കൈക്കൊള്ളുകയുള്ളൂ. കേന്ദ്ര സഹായത്തിനായുള്ള എല്ലാ രേഖകളും സമര്പ്പിച്ചിട്ടുണ്ടെന്നും മന്ത്രി നിയമസഭയില് വ്യക്തമാക്കി.