ജൂലൈ 31 നാണ് കേന്ദ്രസര്‍ക്കാര്‍ കരട് വിജ്ഞാപനം പുറപ്പെടുവിച്ചത്. വിജ്ഞാപനത്തിന്‍റെ മലയാളം പ്രസിദ്ധീകരിക്കണമെന്നും ബന്ധപ്പെട്ട കക്ഷികളെ കേട്ടു വേണം പരിസ്ഥിതി ലോല മേഖലയുടെ കാര്യത്തില്‍ തീരുമാനമെടുക്കേണ്ടതെന്നും കോടതി നിര്‍ദേശിച്ചിരുന്നു. എന്നാല്‍, ഇതുണ്ടായില്ലെന്നു ചൂണ്ടിക്കാട്ടിയാണ് ഹര്‍ജി. കേരള ജൈവ വൈവിധ്യ ബോര്‍ഡിന്‍റെ വെബ്‌സൈറ്റില്‍ മാപ്പ് പ്രസിദ്ധീകരിച്ചിട്ടുള്ളതായി വിജ്ഞാപനത്തില്‍ പറയുന്നുണ്ടെങ്കിലും ലഭ്യമല്ലെന്ന് ഹര്‍ജിക്കാര്‍ ഇന്നലെ ചൂണ്ടിക്കാട്ടി. ഇക്കാര്യത്തിലും വിശദീകരണം തേടിയ കോടതി ഹര്‍ജി വീണ്ടും 29ന് പരിഗണിക്കാനായി മാറ്റി.