പ​ത്ത​നം​തി​ട്ട: 56 വ​ര്‍ഷം മു​ന്പ് ഹി​മാ​ച​ലി​ലെ റോ​ത്തോ​ങ്ങി​ലെ മ​ഞ്ഞു​മ​ല​യി​ല്‍ വി​മാ​നം ത​ക​ര്‍ന്നു മ​രി​ച്ച സൈ​നി​ക​ന്‍ ഇ​ല​ന്തൂ​ര്‍ ഒ​ടാ​ലി​ല്‍ തോ​മ​സ് ചെ​റി​യാ​ന്‍റെ ഭൗ​തി​ക​ശ​രീ​രം ജ​ന്മാ​ടാ​യ ഇ​ല​ന്തൂ‌​രി​ലെ മാ​തൃ​ദേ​വാ​ല​യ​ത്തി​ലെ ക​ല്ല​റ ഏ​റ്റു​വാ​ങ്ങി. മ​ര​ണം ന​ട​ന്ന് അ​ഞ്ച​ര പ​തി​റ്റാ​ണ്ടി​നു​ശേ​ഷം ഒ​രു നി​യോ​ഗം പോ​ലെ സ്വ​ന്തം നാ​ട്ടി​ലേ​ക്ക് തി​രി​കെ എ​ത്തി​യ തോ​മ​സ് ചെ​റി​യാ​ന് അ​ന്തി​മോ​പ​ചാ​രം അ​ർ​പ്പി​ക്കാ​ൻ നാ​ട് ഒ​ന്ന​ട​ങ്കം ഒ​ഴു​കി എ​ത്തു​ക​യാ​യി​രു​ന്നു.

എ​ത്തി​യ​വ​രി​ൽ ന​ല്ലൊ​രു പ​ങ്കും ഈ ​ഭൂ​മി​യി​ൽ ജ​നി​ക്കു​ന്ന​തി​നു മു​ന്പേ തോ​മ​സ് ചെ​റി​യാ​നെ മ​ര​ണം ത​ട്ടി​യെ​ടു​ത്തി​രു​ന്നു​വെ​ന്ന​ത് സ​മാ​ന​ത​ക​ളി​ല്ലാ​ത്ത മ​റ്റൊ​രു കാ​ഴ്ച​യു​മാ​യി. സേ​ന​യു​ടെ​യും സം​സ്ഥാ​ന സ​ർ​ക്കാ​രി​ന്‍റെ​യും ഔ​ദ്യോ​ഗി​ക ബ​ഹു​മ​തി​ക​ളോ​ടെ​യാ​യി​രു​ന്നു സം​സ്കാ​രം.

വ്യാ​ഴാ​ഴ്ച തി​രു​വ​ന​ന്ത​പു​ര​ത്തെ​ത്തി​ച്ച മൃ​ത​ദേ​ഹം അ​വി​ടെ മോ​ർ​ച്ച​റി​യി​ൽ സൂ​ക്ഷി​ച്ച​ശേ​ഷം ഇ​ന്ന​ലെ രാ​വി​ലെ​യാ​ണ് ജ​ന്മ​നാ​ടാ​യ ഇ​ല​ന്തൂ​രി​ലേ​ക്ക് എ​ത്തി​ച്ച​ത്. ഇ​ല​ന്തൂ​ർ മാ​ർ​ക്ക​റ്റ് ജം​ഗ്ഷ​നി​ൽ പൗ​രാ​വ​ലി​യും ജ​ന​പ്ര​തി​നി​ധി​ക​ളും ചേ​ർ​ന്ന് മൃ​ത​ദേ​ഹ പേ​ട​കം ഏ​റ്റു​വാ​ങ്ങി. ക​ര​സേ​ന​യു​ടെ പ്ര​ത്യേ​ക വാ​ഹ​ന​ത്തി​ൽ സേ​നാം​ഗ​ങ്ങ​ളു​ടെ അ​ക​ന്പ​ടി​യി​ലാ​ണ് മൃ​ത​ദേ​ഹം കൊ​ണ്ടു​വ​ന്ന​ത്. തോ​മ​സ് ചെ​റി​യാ​ന്‍റെ സ​ഹോ​ദ​ര​ന്‍ ഇ​ല​ന്തൂ​ർ ഒ​ടാ​ലി​ൽ പ​രേ​ത​നാ​യ തോ​മ​സ് മാ​ത്യു​വി​ന്‍റെ മ​ക​ന്‍ ഷൈ​ജു​വി​ന്‍റെ വീ​ട്ടി​ലേ​ക്ക് മൃ​ത​ദേ​ഹം എ​ത്തി​ച്ചു. ജീ​വി​ത​ത്തി​ന്‍റെ വി​വി​ധ​തു​റ​ക​ളി​ൽ പെ​ട്ട​വ​ർ ഭ​വ​ന​ത്തി​ലെ​ത്തി ആ​ദ​രാ​ഞ്ജ​ലി അ​ർ​പ്പി​ച്ചു. ഭ​വ​ന​ത്തി​ലെ ശു​ശ്രൂ​ഷ​യ്ക്കും തു​ട​ർ​ന്ന് പോ​ലീ​സ് ന​ൽ​കി​യ ഗാ​ർ​ഡ് ഓ​ഫ് ഓ​ണ​റി​നും​ശേ​ഷം വി​ലാ​പ​യാ​ത്ര പ​ള്ളി​യി​ലേ​ക്ക് ന​ട​ന്നു.


ഇ​ല​ന്തൂ​ർ കാ​രൂ​ർ സെ​ന്‍റ് പീ​റ്റേ​ഴ്സ് ഓ​ർ​ത്ത​ഡോ​ക്സ് പ​ള്ളി​യി​ലെ ശു​ശ്രൂ​ഷ​ക​ൾ​ക്ക് കു​ര്യാ​ക്കോ​സ് മാ​ർ ക്ലീ​മി​സ് വ​ലി​യ മെ​ത്രാ​പ്പോ​ലീ​ത്ത മു​ഖ്യ​കാ​ർ​മി​ക​ത്വം വ​ഹി​ച്ചു. ​പ​ള്ളി​യി​ലെ ശു​ശ്രൂ​ഷ​യ്ക്കു​ശേ​ഷം സൈ​ന്യം സ​ഹ​പ്ര​വ​ർ​ത്ത​ക​ന് അ​ന്തി​മോ​പ​ചാ​രം അ​ർ​പ്പി​ച്ചു. ദേ​വാ​ല​യ​ത്തി​നു പു​റ​ത്ത് പ്ര​ത്യേ​കം ത​യാ​റാ​ക്കി​യ സ്ഥ​ല​ത്ത് മൃ​ത​ദേ​ഹപേ​ട​കം വ​ച്ചു​കൊ​ണ്ടാണു ച​ട​ങ്ങു​ക​ൾ ന​ട​ന്ന​ത്. ക​ര​സേ​ന​യു​ടെ വി​വി​ധ റെ​ജി​മെ​ന്‍റു​ക​ളും എ​ൻ​സി​സി അ​ട​ക്ക​മു​ള്ള സേ​ന​വി​ഭാ​ഗ​ങ്ങ​ളും ആ​ദ​രാ​ഞ്ജ​ലി അ​ർ​പ്പി​ച്ചു.

അ​ന്തി​മോ​പ​ചാ​ര ച​ട​ങ്ങു​ക​ൾ​ക്കു​ശേ​ഷം ദേ​വാ​ല​യ അ​ങ്ക​ണ​ത്തി​ൽ പ്ര​ത്യേ​കം ത​യാ​റാ​ക്കി​യ ക​ല്ല​റ​യ്ക്ക​രി​കി​ലേ​ക്ക് തോ​മ​സ് ചെ​റി​യാ​ന്‍റെ മൃ​ത​ദേ​ഹം നീ​ക്കി. അ​വി​ടെ അ​വ​സാ​ന​ഘ​ട്ട ച​ട​ങ്ങു​ക​ൾ പൂ​ർ​ത്തി​യാ​ക്കി ആ​കാ​ശ​ത്തേ​ക്ക് വെ​ടി ഉ​തി​ർ​ത്ത​ശേ​ഷം ദേ​ശീ​യ പ​താ​ക മൃ​ത​ദേ​ഹ​ത്തി​ൽനി​ന്നു നീ​ക്കി ബ​ന്ധു​ക്ക​ളെ ഏ​ല്പിച്ചു. തു​ട​ർ​ന്ന് പ്രാ​ർ​ഥ​ന​ക​ൾ​ക്കു​ശേ​ഷം മൃ​ത​ദേ​ഹം ക​ല്ല​റ​യി​ലേ​ക്ക് വ​ച്ചു.