ലീഗ് പ്രവര്‍ത്തകരായ പ്രതികള്‍ മാരകായുധങ്ങളുമായി വര്‍ഗീയവും രാഷ്‌ട്രീവുമായ കാരണങ്ങളാല്‍ ഷിബിന്‍ ഉള്‍പ്പെടെയുള്ള സിപിഎം പ്രവര്‍ത്തകരെ ആക്രമിച്ചെന്നാണു കേസ്. സംഭവത്തില്‍ ഷിബിന്‍ കൊല്ലപ്പെടുകയും ആറു പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു. കേസ് സംശയാതീതമായി തെളിയിക്കാന്‍ പ്രോസിക്യൂഷനു കഴിയാത്ത സാഹചര്യം ചൂണ്ടിക്കാട്ടി വിചാരണക്കോടതി പ്രതികളായിരുന്ന 17 പേരെയും വെറുതെ വിട്ടിരുന്നു. ഇതിനെതിരേ ഷിബിന്‍റെ അച്ഛനും സംസ്ഥാന സര്‍ക്കാരും സംഭവത്തില്‍ പരിക്കേറ്റവരുമാണ് അപ്പീല്‍ നല്‍കിയത്.
എട്ടു പ്രതികളുടെ കാര്യത്തില്‍ കുറ്റകൃത്യത്തിനു മതിയായ തെളിവ് ഹാജരാക്കാന്‍ പ്രോസിക്യൂഷന് കഴിഞ്ഞിട്ടുണ്ടെന്നും ഇതു ശരിയായ രീതിയില്‍ വിചാരണക്കോടതി പരിഗണിച്ചിട്ടില്ലെന്നും ഡിവിഷന്‍ ബെഞ്ച് ചൂണ്ടിക്കാട്ടി.