ഓണം പ്രമാണിച്ചുള്ള ശന്പളവിതരണത്തിനും അധികച്ചെലവിനുമായി കേരളത്തിന് കൂടുതൽ തുക വായ്പയെടുക്കാൻ അനുവദിക്കണമെന്നതാണ് മറ്റൊരാവശ്യം. സംസ്ഥാനത്തിന്റെ ആവശ്യങ്ങളടങ്ങിയ നിവേദനം പ്രധാനമന്ത്രിക്ക് മുഖ്യമന്ത്രി നൽകി. കേരളത്തനിമയുള്ള പ്രത്യേക ഉപഹാരവും പിണറായി വിജയൻ മോദിക്കു സമ്മാനിച്ചു.
പ്രധാനമന്ത്രിയുമായി നടത്തിയ ചർച്ചയെക്കുറിച്ച് പത്രക്കുറിപ്പുപോലും ഉണ്ടാകില്ലെന്ന് സംസ്ഥാന സർക്കാരിന്റെ ഇൻഫർമേഷൻ ഉദ്യോഗസ്ഥർ അറിയിച്ചിട്ടുണ്ട്. തിങ്കളാഴ്ച വൈകുന്നേരമാണു പ്രധാനമന്ത്രിയുമായുള്ള കൂടിക്കാഴ്ചയ്ക്കായി മുഖ്യമന്ത്രി ഡൽഹിയിലെത്തിയത്. മോദിയും പിണറായിയും തമ്മിൽ നടന്ന ചർച്ചയിൽ മറ്റാരും ഉണ്ടായിരുന്നില്ല. എന്തൊക്കെയാണ് ഇരുനേതാക്കളും ചർച്ച ചെയ്തതെന്നതു മുഖ്യമന്ത്രി വിശദീകരിച്ചതുമില്ല.