അതേസമയം, പ്രധാനമന്ത്രിയുടെ സന്ദർശനം രാഷ്‌ട്രീയവത്കരിക്കേണ്ടതില്ലെന്നും ഗണപതിപൂജ ആഘോഷങ്ങൾ രാജ്യത്തിന്‍റെ സംസ്കാരത്തിന്‍റെ ഭാഗമാണെന്നും ബിജെപി പ്രതികരിച്ചു.
പ്രധാനമന്ത്രിയായിരിക്കെ 2009ൽ ഡോ. മൻമോഹൻസിംഗ് അദ്ദേഹത്തിന്‍റെ ഔദ്യോഗിക വസതിയിൽ സംഘടിപ്പിച്ച ഇഫ്താർ വിരുന്നിൽ അന്നത്തെ ചീഫ് ജസ്റ്റീസ് കെ.ജി. ബാലകൃഷ്ണൻ പങ്കെടുത്തതിന്‍റെ ഫോട്ടോ എക്സിലൂടെ പുറത്തുവിട്ട ബിജെപി വക്താവ് ഷെക്സാദ് പൂനാവാല, പ്രധാനമന്ത്രി മോദി ചീഫ് ജസ്റ്റീസ് ചന്ദ്രചൂഡിന്‍റെ വീട് സന്ദർശിച്ചതു വിവാദമാക്കുന്ന പ്രതിപക്ഷ നടപടി ഇരട്ടത്താപ്പാണെന്നും ചൂണ്ടിക്കാട്ടി.