ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: ഇ​ന്ത്യ​യി​ലെ മു​തി​ർ​ന്ന ക​മ്യൂ​ണി​സ്റ്റ് നേ​താ​വും സി​പി​എം ജ​ന​റ​ൽ സെ​ക്ര​ട്ട​റി​യു​മാ​യ സീ​താ​റാം യെ​ച്ചൂ​രി (72) അ​ന്ത​രി​ച്ചു. ശ്വാ​സ​കോ​ശ അ​ണു​ബാ​ധ​യെ​ത്തു​ട​ർ​ന്ന് ര​ണ്ടാ​ഴ്ച​യാ​യി ഡ​ൽ​ഹി​യി​ലെ എ​യിം​സ് ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ഇ​ന്ന​ലെ ഉ​ച്ച​ക​ഴി​ഞ്ഞ് 3.03നാ​യി​രു​ന്നു അ​ന്ത്യം.

ഇ​ന്നു വൈ​കു​ന്നേ​ര​ത്തോ​ടെ മൃതദേഹം ഡ​ൽ​ഹി എ​യിം​സ് ആ​ശു​പ​ത്രി​യി​ൽ​നി​ന്ന് വ​സ​ന്ത്കു​ഞ്ജി​ലെ വീ​ട്ടി​ലേ​ക്ക് കൊ​ണ്ടു​പോ​കും. നാ​ളെ ഡ​ൽ​ഹി ഗോ​ൾ മാ​ർ​ക്ക​റ്റി​നു സ​മീ​പ​മു​ള്ള എ​കെ​ജി സെ​ന്‍റ​റി​ൽ പൊ​തു​ദ​ർ​ശ​ന​ത്തി​നു വ​ച്ച​ശേ​ഷം മൃ​ത​ദേ​ഹം മെ​ഡി​ക്ക​ൽ വി​ദ്യാ​ർ​ഥി​ക​ൾ​ക്ക് പ​ഠ​ന​ത്തി​നാ​യി വി​ട്ടു​ന​ൽ​കും.

ന്യുമോ​ണി​യ ബാ​ധ ഗു​രു​ത​ര​മാ​യ​തി​നെ​ത്തു​ട​ർ​ന്ന് ഏ​താ​നും ദി​വ​സ​ങ്ങ​ളാ​യി വെ​ന്‍റി​ലേ​റ്റ​റി​ലാ​യി​രു​ന്നു. ഡ​യാ​ലി​സി​സ് അ​ട​ക്ക​മു​ള്ള ചി​കി​ത്സ​ക​ളും ന​ട​ത്തി​യി​രു​ന്നു. ശ്വാ​സ​ത​ട​സ​ത്തെ​ത്തു​ട​ർ​ന്ന് ക​ഴി​ഞ്ഞ മാ​സം 19നാ​ണ് യെ​ച്ചൂ​രി​യെ എ​യിം​സി​ൽ പ്ര​വേ​ശി​പ്പി​ച്ച​ത്.

മു​തി​ർ​ന്ന പ​ത്ര​പ്ര​വ​ർ​ത്ത​ക​യാ​യ ഭാ​ര്യ സീ​മ ചി​ഷ്‌​ടി മ​ര​ണ​സ​മ​യ​ത്ത് സ​മീ​പ​ത്തു​ണ്ടാ​യി​രു​ന്നു. അ​ന്ത​രി​ച്ച മാ​ധ്യ​മ​പ്ര​വ​ർ​ത്ത​ക​ൻ ആ​ശി​ഷ് യെ​ച്ചൂ​രി, ഡോ. ​അ​ഖി​ല യെ​ച്ചൂ​രി, ഡാ​നി​ഷ് എ​ന്നി​വ​രാ​ണു മ​ക്ക​ൾ.


ബ​ന്ധു​ക്ക​ൾ​ക്കും അ​ടു​ത്ത സു​ഹൃ​ത്തു​ക്ക​ൾ​ക്കും ആ​ദ​രാ​ഞ്ജ​ലി അ​ർ​പ്പി​ക്കാ​നാ​യി ഭൗ​തി​ക​ശ​രീ​രം ഇ​ന്ന് ദ​ക്ഷി​ണ ഡ​ൽ​ഹി​യി​ലെ വ​സ​ന്ത് കു​ഞ്‌ജിലു​ള്ള യെ​ച്ചൂ​രി​യു​ടെ വ​സ​തി​യി​ലെ​ത്തി​ക്കും. യെ​ച്ചൂ​രി​യു​ടെ അ​ഭി​ലാ​ഷം മാ​നി​ച്ചാ​ണു സം​സ്കാ​ര ശു​ശ്രൂ​ഷ​ക​ൾ ഉ​പേ​ക്ഷി​ച്ച് മൃ​ത​ദേ​ഹം എ​യിം​സ് ആ​ശു​പ​ത്രി​ക്കു വി​ട്ടു​ന​ൽ​കു​ന്ന​തെ​ന്ന് കു​ടും​ബാം​ഗ​ങ്ങ​ളും സി​പി​എം നേ​താ​ക്ക​ളും അ​റി​യി​ച്ചു.

മ​ര​ണ​ത്തി​നു​ മു​ന്പാ​യി സി​പി​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ, കേ​ര​ള കോ​ണ്‍ഗ്ര​സ്-​എം ചെ​യ​ർ​മാ​ൻ ജോ​സ് കെ. ​മാ​ണി, സി​പി​എം പി​ബി അം​ഗം വൃ​ന്ദ കാ​രാ​ട്ട് തു​ട​ങ്ങി​യ​വ​ർ ഇ​ന്ന​ലെ രാ​വി​ലെ ആ​ശു​പ​ത്രി​യി​ലെ​ത്തി​യി​രു​ന്നു.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി, പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി, യു​പി​എ അ​ധ്യ​ക്ഷ സോ​ണി​യ ഗാ​ന്ധി അ​ട​ക്ക​മു​ള്ള ദേ​ശീ​യ നേ​താ​ക്ക​ൾ അ​നു​ശോ​ചി​ച്ചു.

രാ​ഹു​ൽ, മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​ട​ക്ക​മു​ള്ള നേ​താ​ക്ക​ൾ നേ​ര​ത്തേ ആ​ശു​പ​ത്രി​യി​ലെ​ത്തി രോ​ഗ​വി​വ​രങ്ങൾ അ​ന്വേ​ഷി​ച്ചി​രു​ന്നു. പ്ര​കാ​ശ് കാ​രാ​ട്ട്, എം.​എ. ബേ​ബി, എ. ​വി​ജ​യ​രാ​ഘ​വ​ൻ, പ്ര​ഫ. കെ.​വി. തോ​മ​സ് അ​ട​ക്ക​മു​ള്ള നേ​താ​ക്ക​ളു​ടെ നേ​തൃ​ത്വ​ത്തി​ലാ​ണ് ആ​ദ​രാ​ഞ്ജലി അ​ർ​പ്പി​ക്കാ​നു​ള്ള ഒ​രു​ക്ക​ങ്ങ​ൾ ഡ​ൽ​ഹി​യി​ൽ ന​ട​ത്തു​ന്ന​ത്.