ചി​റ്റൂ​ർ: താ​ലൂ​ക്ക് ആ​ശു​പ​ത്രി​യി​ൽ ശു​ചീ​ക​ര​ണതൊ​ഴി​ലാ​ളി​ക​ളു​ടെ താ​ത്കാ​ലി​കനി​യ​മ​ന​ത്തി​നാ​യി ചി​റ്റൂ​ർ- ത​ത്ത​മം​ഗ​ലം ന​ഗ​ര​സ​ഭ ഇ​ന്ന​ലെ ഉ​ദ്യോ​ഗാ​ർ​ഥി​ക​ൾ​ക്കാ​യു​ള്ള കൂ​ടി​ക്കാ​ഴ്ച ന​ട​പ​ടി​ക​ൾ ഹൈ​ക്കോ​ട​തി ത​ട​ഞ്ഞു.

താ​ലൂ​ക്ക് ആ​ശു​പ​ത്രി​യി​ൽ എ​ച്ച്എം​സി തീ​രു​മാ​ന​പ്ര​കാ​രം സേ​വ​നം ന​ട​ത്തിവ​രു​ന്ന പ​ത്തു ജീ​വ​ന​ക്കാ​ർ​ക്കു പ​ക​ര​ക്കാ​രെ നി​യ​മി​ക്കാ​നാ​യി​രു​ന്നു ഇ​ന്ന​ലെ ന​ഗ​ര​സ​ഭ​യി​ൽ കൂ​ടി​ക്കാ​ഴ്ച ന​ട​ത്തി​യ​തെ​ന്ന് ആ​രോ​പ​ണം ഉ​യ​ർ​ന്നു. എ​ച്ച്എം​സി തീ​രു​മാ​ന​പ്ര​കാ​രം പെ​രു​മാ​ട്ടി​യി​ലെ കു​ടും​ബ​ശ്രീ യൂ​ണി​റ്റം​ഗ​ങ്ങ​ൾ​ക്കാ​ണ് ശു​ചീ​ക​ര​ണജീ​വ​ന​ക്കാ​രാ​യി നി​യ​മ​നം ല​ഭി​ച്ച​ത്.

ഈ ​യൂ​ണി​റ്റി​ലെ അം​ബി​ക​യാ​ണ് ഇ​ന്ന​ല​ത്തെ കൂ​ടി​ക്കാ​ഴ്ച ത​ട​യ​ണമെ​ന്നാ​വ​ശ്യ​പ്പെ​ട്ടു കോ​ട​തി​യെ സ​മീ​പി​ച്ച് അ​നു​കൂ​ല ഉ​ത്ത​ര​വ് നേ​ടി​യ​ത്. ഇ​ന്ന​ലെ വൈ​കു​ന്നേ​രം മൂ​ന്നോ​ടെ കോ​ട​തി ഉ​ത്ത​ര​വ് ല​ഭി​ച്ച​തി​നാ​ൽ ത​സ്തിക​യി​ലേ​ക്കോ​യി 7, 8, 9, 10 തീയ​തി​ക​ളി​ൽ ന​ട​ത്താ​നി​രു​ന്ന കൂ​ടി​ക്കാ​ഴ്ച മാ​റ്റിവ​ച്ച​താ​യി ന​ഗ​ര​സ​ഭ ചെ​യ​ർ​പേ​ഴ്സ​ണ്‍ കെ.​എ​ൽ. ക​വി​ത അ​റി​യി​ച്ചു.

ഇ​തി​നി​ടെ ഇ​ന്ന​ലെ കൂ​ടി​ക്കാ​ഴ്ചയ്​ക്കെ​ത്തി​യ​വ​ർ​ക്ക് ഉ​ചി​ത​മാ​യ സ്ഥ​ലം അ​റി​യി​ക്കാ​ത്ത​തി​നാ​ൽ നൂ​റു​ക​ണ​ക്കി​ന് ഉ​ദ്യോ​ഗാ​ർ​ഥി​ക​ൾ വ​ല​ഞ്ഞു. ജീ​വ​ന​ക്കാ​ർ ഉ​ദ്യോ​ഗാ​ർ​ഥി​ക​ളെ പ​ല​ത​വ​ണ വ്യ​ത്യ​സ്തസ്ഥ​ല​ങ്ങ​ളി​ൽ എ​ത്താ​ൻ നി​ർ​ദേ​ശി​ച്ചു. ഒ​ടു​വി​ൽ ഉ​ദ്യോ​ഗാ​ർ​ഥി​ക​ളു​ടെ ആ​ധി​ക്യംകാ​ര​ണം ന​ഗ​ര​സ​ഭാ കോ​ന്പൗ​ണ്ടി​ലു​ള്ള പി. ​ലീ​ല അ​നു​സ്മ​ര​ണ സ്റ്റേ​ഡി​യ​ത്തി​ലേ​ക്കു മാ​റ്റി.

താ​ലൂ​ക്കി​ന്‍റെ വി​വി​ധ​ഭാ​ഗ​ങ്ങ​ളി​ൽനി​ന്നു കൈ​ക്കു​ഞ്ഞു​ങ്ങ​ളു​മാ​യാ​ണ് നൂ​റു​ക​ണ​ക്കി​നു വ​നി​താ ഉ​ദ്യോ​ഗാ​ർ​ഥി​ക​ൾ എ​ത്തി​യ​ത്. രാ​വി​ലെ എ​ട്ടു​മു​ത​ൽത​ന്നെ ഇ​വ​ർ സ്ഥ​ല​ത്തെ​ത്തി. തി​ര​ക്ക് കൂ​ടി​യ​തോ​ടെ പ​ല​ർ​ക്കും ദേ​ഹാ​സ്വാ​സ്ഥ്യ​വും അ​നു​ഭ​വ​പ്പെ​ട്ടു.

മ​ര​പ്പ​ല​ക ഉ​പ​യോ​ഗി​ച്ച ഒ​ന്നാം നി​ല കൗ​ണ്‍​സി​ൽ ഹാ​ളി​ൽ ന​ട​വ​ഴി തി​ങ്ങി​നി​റ​ഞ്ഞ് ഉ​ദ്യോ​ഗാ​ർ​ഥി​ക​ൾ അ​ക്ഷ​രാ​ർ​ഥ​ത്തി​ൽ ഭ​യ​ന്നു. തി​ര​ക്കി​നി​ട​യി​ൽ പ​ല​രും കു​ഞ്ഞു​ങ്ങ​ളു​മാ​യി താ​ഴെ​യി​റ​ങ്ങാ​ൻ പാ​ടു​പെ​ട്ടു. ഇ​വ​ർ​ക്ക് അ​ധി​കൃ​ത​ർ കു​ടിവെ​ള്ളംപോ​ലും ഏ​ർ​പ്പെ​ടു​ത്താ​ത്ത​തും പ്ര​തി​ഷേ​ധ​ത്തി​നു കാ​ര​ണ​മാ​യി.