പ​ല്ല​ശ​ന: ഗ്രാ​മ​പ​ഞ്ചാ​യ​ത്ത് പ​രി​ധി​യി​ൽ ക്വാ​റി തു​ട​ങ്ങാ​ൻ ശ്ര​മ​ത്തി​നെ​തി​രെ നാ​ട്ടു​കാ​ർ സെ​ക്ര​ട്ട​റി​ക്ക് പ​രാ​തി ന​ൽ​കി. പ​ല്ല​ശ​ന പ​ഞ്ചാ​യ​ത്തി​ലെ മൂ​ന്നാം​വാ​ർ​ഡി​ൽ കു​റ്റി​പ്പു​ള്ളി വാ​മ​ല​കാ​ട്ടി​ൽ സ​ർ​ക്കാ​ർ വ​ന​മേ​ഖ​ല​യോ​ട് ചേ​ർ​ന്നു​കി​ട​ക്കു​ന്ന സ്ഥ​ല​ത്തു സ്വ​കാ​ര്യ​വ്യ​ക്തി ഫോ​റ​സ്റ്റ് ഭൂ​മി ക​യ്യേ​റി ക്വാ​റി തു​ട​ങ്ങാ​നു​ള്ള ശ്ര​മ​ത്തി​നെ​തി​രെ​യാ​ണ് പ്ര​ദേ​ശ​വാ​സി​ക​ൾ സം​ഘം ചേ​ർ​ന്നു പ​ഞ്ചാ​യ​ത്തി​ലെ​ത്തി സെ​ക്ര​ട്ട​റി​ക്ക് പ​രാ​തി ന​ൽ​കി​യ​ത്.

ക്വാ​റി​ക്കാ​യു​ള്ള സ്ഥ​ലം ബ​ഫ​ർ സോ​ണി​ലാ​ണെ​ന്നും 500 ഓ​ളം കു​ടും​ബ​ങ്ങ​ൾ താ​മ​സി​ക്കു​ന്ന ജ​ന​വാ​സ​കേ​ന്ദ്ര​മാ​ണെ​ന്നും അ​ങ്ക​ണ​വാ​ടി, കു​ടും​ബ​ക്ഷേ​ത്രം, വാ​മ​ല അ​യ്യ​പ്പ​ക്ഷേ​ത്രം എ​ന്നി​വ​യു​ടെ സ​മീ​പ​ത്താ​ണെ​ന്നും പ​രാ​തി​യി​ൽ പ​റ​യു​ന്നു.

ക​ഴി​ഞ്ഞ പേ​മാ​രി​യി​ൽ ഉ​രു​ൾ​പൊ​ട്ട​ൽ സം​ഭ​വി​ക്കു​ക​യും കു​റെ പോ​ത്തു​ക​ൾ ചാ​കു​ക​യും ചെ​യ്ത​താ​യി നാ​ട്ടു​കാ​ർ പ​രാ​തി​യി​ൽ ചൂ​ണ്ടി​ക്കാ​ട്ടി.

നി​ർ​ദി​ഷ്ട സ്ഥ​ല​ത്തോ​ട് ചേ​ർ​ന്നു മ​ല​മ്പു​ഴ, ചി​റ്റൂ​ർ​പ്പു​ഴ ഇ​റി​ഗ​ഷ​ൻ പ​ദ്ധ​തി ക​നാ​ൽ, ര​ണ്ട് ഏ​ക്ക​ർ വി​സ്തൃ​തി​യി​ലു​ള്ള കാ​ർ​ഷി​ക ആ​വ​ശ്യ​ത്തി​നാ​യു​ള്ള കു​ളം, ഒ​രു എ​ക്ക​റോ​ളം​വ​രു​ന്ന പൊ​തു​ശ്മ​ശാ​നം എ​ന്നി​വ​യു​ണ്ട്. വ​സ്തു​ത​ക​ൾ മ​റ​ച്ചു​വെ​ച്ച് ഉ​ദ്യോ​ഗ​സ്ഥ​രെ​യും ഭ​ര​ണ സ​മി​തി​യെ​യും സ്വാ​ധീ​നി​ച്ചു അ​നു​വാ​ദം വാ​ങ്ങി​യെ​ടു​ക്കാ​നു​ള്ള ക്വ​റി ഉ​ട​മ​യു​ടെ ശ്ര​മ​മാ​ണെ​ന്ന് നാ​ട്ടു​കാ​ർ പ​രാ​തി​പ്പെ​ട്ടു.

ക്വാ​റി​ക്കെ​തി​രെ നാ​ട്ടു​കാ​ർ കു​റ്റി​പ്പു​ള്ളി മാ​തി​രം​കോ​ട് വാ​മ​ല​ക്കാ​ട് സ​മ​ര​സ​മി​തി ജ​ന​കീ​യ​കൂ​ട്ടാ​യ്മ എ​ന്ന പേ​രി​ലാ​ണ് പ​രാ​തി ന​ൽ​കി​യ​ത്.

പ​ഞ്ചാ​യ​ത്ത്‌ അ​നു​വാ​ദ​വു​മാ​യി മു​ന്നോ​ട്ട് പോ​കു​ക​യാ​ണെ​ങ്കി​ൽ സ​മ​ര​സ​മി​തി ശ​ക്ത​മാ​യി എ​തി​ർ​ക്കു​മെ​ന്നും നാ​ട്ടു​കാ​ർ പ​റ​ഞ്ഞു. കെ. ​പാ​ർ​ത്ഥ​ൻ, വി. ​വി​ജ​യ​ൻ. എം. ​കു​മാ​ര​ൻ പി. ​ബാ​ബു എ​ന്നി​വ​ർ നേ​തൃ​ത്വം ന​ൽ​കി.