ജോ​ജി തോ​മ​സ്

നെ​ന്മാ​റ: സൈ​ക്കി​ൾ ച​വി​ട്ടി​യു​ള്ള ക്ഷീ​ണം ഒ​ഴി​വാ​ക്കാ​നും ക​യ​റ്റ​ത്തി​ലൂ​ടെ​യു​ള്ള ത​ള്ള​ൽ ഒ​ഴി​വാ​ക്കാ​നു​മാ​യി സ്കൂ​ൾ വി​ദ്യാ​ർ​ഥി​യു​ടെ മോ​ഹം ഒ​ടു​വി​ൽ സ​ഫ​ല​മാ​യി.

അ​യ​ൽ വീ​ട്ടു​കാ​ർ ഉ​പേ​ക്ഷി​ച്ച മോ​പ്പ​ഡ് എ​ൻ​ജി​ൻ സൈ​ക്കി​ളു​മാ​യി കൂ​ട്ടി​യോ​ജി​പ്പി​ച്ചാ​ണ് പ​ത്താം ക്ലാ​സ് വി​ദ്യാ​ർ​ഥി​യു​ടെ ക​ണ്ടു​പി​ടു​ത്തം. അ​യി​ലൂ​ർ തോ​ട്ടും​പ​ള്ള തി​രി​ഞ്ഞ​ക്കോ​ട് മ​ൻ​സൂ​ർ അ​ലി- ബെ​ൻ​സീ​ന ദ​മ്പ​തി​ക​ളു​ടെ മ​ക​നാ​ണ് അ​ഫ്സ​ൽ.

അ​ച്ഛ​ൻ വാ​ങ്ങി​ക്കൊ​ടു​ത്ത സൈ​ക്കി​ളി​ലാ​ണ് ആ​ഗ്ര​ഹം യാ​ഥാ​ർ​ഥ്യ​മാ​ക്കി​യ​ത്.
മോ​പ്പ​ഡി​ന്‍റെ പ​ഴ​യ എ​ൻ​ജി​ൻ സൈ​ക്കി​ളി​നു പി​ന്നി​ലെ കാ​രി​യ​റി​ൽ വെ​ൽ​ഡു​ചെ​യ്ത് പി​ടി​പ്പി​ച്ച് സൈ​ക്കി​ളി​ന്‍റെ പി​ന്നി​ലെ ച​ക്ര​ത്തി​ൽ പ​ൽ​ച​ക്രം ഘ​ടി​പ്പി​ച്ച് ചെ​യി​ൻ മു​ഖേ​ന ബ​ന്ധി​പ്പി​ച്ചാ​ണ് പു​ത്ത​ൻ മോ​ഡ​ൽ വാ​ഹ​ന​മൊ​രു​ക്കി​യ​ത്. ചെ​റി​യ പ്ലാ​സ്റ്റി​ക് ബാ​ര​ൽ കൊ​ണ്ട് പെ​ട്രോ​ൾ ടാ​ങ്കും സൈ​ക്കി​ൾ ഹാ​ൻ​ഡി​ലി​ലേ​ക്ക് ആ​ക്സി​ലേ​റ്റ​ർ സം​വി​ധാ​ന​വും ഘ​ടി​പ്പി​ച്ചാ​ണ് നി​യ​ന്ത്ര​ണ സം​വി​ധാ​നം ഒ​രു​ക്കി​യി​രി​ക്കു​ന്ന​ത്.

ക​യ​റ്റ​ത്തി​ൽ ത​ള്ളേ​ണ്ട, ക്ഷീ​ണ​വു​മി​ല്ല. ഒ​ടു​വി​ൽ ആ​രും അ​ത്ഭു​ത​പ്പെ​ടു​ന്ന സൈ​ക്കി​ളും സ്വ​ന്ത​മാ​യി. അ​യ​ൽ​ക്കാ​ർ​ക്കും കൂ​ട്ടു​കാ​ർ​ക്കും മു​ന്നി​ൽ ത​ന്‍റെ ക​ണ്ടു​പി​ടു​ത്തം പ്ര​ദ​ർ​ശി​പ്പി​ച്ച് അ​ഭി​ന​ന്ദ​ന​ങ്ങ​ൾ നേ​ടി​യി​രി​ക്കു​ക​യാ​ണ് ഈ ​ബാ​ല​ൻ. അ​യി​ലൂ​ർ എ​സ് എം ​ഹൈ​സ്കൂ​ൾ പ​ത്താം ക്ലാ​സ് വി​ദ്യാ​ർ​ഥി​യാ​യ അ​ഫ്സ​ൽ സ്കൂ​ൾ ശാ​സ്ത്ര​മേ​ള​യി​ൽ റോ​ബോ​ട്ട് നി​ർ​മി​ച്ചും ഹൈ​സ്കൂ​ൾ വി​ദ്യാ​ർ​ഥി​ക​ൾ​ക്കു മാ​ത്ര​മു​ള്ള യം​ഗ് ഇ​ന്നൊ​വേ​ഴ്സ് പ്രോ​ഗ്രാം മ​ത്സ​ര​ത്തി​ൽ ബൈ ​സൈ​ക്കി​ൾ വാ​ട്ട​ർ​പ​മ്പ് എ​ന്ന ആ​ശ​യം അ​വ​ത​രി​പ്പി​ച്ച് ജി​ല്ലാ​ത​ലം വ​രെ​യെ​ത്തി.

മ​ധ്യ​വേ​ന​ൽ അ​വ​ധി​ക്കാ​ല​ത്ത് വീ​ടി​നു മു​ന്നി​ൽ കൂ​ട്ടു​കാ​രു​ടെ സൈ​ക്കി​ൾ ന​ന്നാ​ക്കി കൊ​ടു​ക്കാ​നു​ള്ള വ​ർ​ക്ക്ഷോ​പ്പും ന​ട​ത്തി​യി​രു​ന്നു. സ​ഹോ​ദ​ര​ൻ അ​ൻ​സി​ൽ അ​യി​ലൂ​ർ എ​സ്എം ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ്‌​ടു വി​ദ്യാ​ർ​ഥി​യാ​ണ്.