വ​ണ്ടി​ത്താ​വ​ളം: വി​ള​യോ​ടി, താ​മ​ര​ക്കു​ളം ക​നാ​ൽ​പ്പാ​ല​ത്തി​നു സ​മീ​പം റോ​ഡ് ഇ​ടി​ഞ്ഞ് ഗ​ർ​ത്ത​മു​ണ്ടാ​യ സ്ഥ​ലം മി​ന്ന​ൽ​വേ​ഗ​ത്തി​ൽ ഗ​താ​ഗ​തയോഗ്യമാക്കി. വൈ​ദ്യു​തി​വ​കു​പ്പ് മ​ന്ത്രി കെ. ​കൃ​ഷ്ണ​ൻ​കു​ട്ടി പൊ​തു​മ​രാ​മ​ത്ത് അ​ധി​കൃ​ത​ർ​ക്ക് ന​ൽ​കി​യ നി​ർ​ദേ​ശ​ത്തി​ലാ​ണ് വെ​ള്ളി​യാ​ഴ്ച രാ​ത്രി​ത​ന്നെ റോ​ഡ് പ​ണി​ന​ട​ന്ന​ത്. റോ​ഡി​ന്‍റെ അ​ടി​ഭാ​ഗ​ത്ത് ആ​റ​ടിയോ ളം നീ​ള​ത്തി​ലാ​ണ് ഗ​ർ​ത്തം ഉ​ണ്ടാ​യി​രുന്ന​ത്.

രാ​ത്രി ക​രി​ങ്ക​ല്ലു​ക​ൾ നി​റ​ച്ച് മ​ണ്ണി​ട്ടു​മൂ​ടി ഗ​ർ​ത്തം പൂ​ർ​ണ​മാ​യും അ​ട​ച്ച് പു​ല​ർ​ച്ചെ ഒ​രു മ​ണി​യോ​ടെ ഗ​താ​ഗ​തം പു​നഃസ്ഥാ​പി​ച്ചു. 15 സ്വ​കാ​ര്യ​ബ​സു​ക​ൾ​ക്ക് പു​റ​മെ നൂ​റു​ക​ണ​ക്കി​നു ഇ​ത​ര വാ​ഹ​ന​ങ്ങ​ൾ സ​ഞ്ച​രി​ക്കു​ന്ന വ​ണ്ടി​ത്താ​വ​ളം - ചി​റ്റൂ​ർ പ്ര​ധാ​ന​പാ​ത​യി​ലാ​ണ് ഭീ​മാ​കാ​ര​മാ​യ ഗ​ർ​ത്തം ഉ​ണ്ടാ​യ​ത്. അ​പ​ക​ടാ​വ​സ്ഥ മ​ന​സി​ലാ​ക്കി​യ സ​മീ​പ​വാ​സി​ക​ൾ റോ​ഡി​ൽ വാ​ഹ​ന​ഗ​താ​ഗ​തം നി​യ​ന്ത്രി​ച്ച് വി​വ​രം അ​ധി​കൃ​ത​രെ അ​റി​യി​ക്കു​ക​യാ​ണു​ണ്ടാ​യ​ത്. റോ​ഡ് ത​ക​ർ​ന്ന ക​നാ​ലി​നു സ​മീ​പ​ത്ത് വാ​ഹ​ന​സ​ഞ്ചാ​ര സു​ര​ക്ഷ​ക്കാ​യി സം​ര​ക്ഷ​ണ​ഭി​ത്തി നി​ർ​മാ​ണ​വും അ​ടി​യ​ന്ത​രാ​വ​ശ്യ​മാ​യി​രി​ക്കു​ക​യാ​ണ്.