കൂ​രി​രു​ട്ടി​ൽ പു​ഴ​യോ​ര ബൈ​പാ​സ്; കാൽനടയാ​ത്ര​ക്കാ​ർ​ക്കു ദു​രി​തം
Sunday, September 22, 2024 3:06 AM IST
തൊ​ടു​പു​ഴ: ന​ഗ​ര​ഭം​ഗി ആ​സ്വ​ദി​ക്കാ​നും തൊ​ടു​പു​ഴ​യാ​റി​ൽനി​ന്നു​ള്ള ഇ​ളം​കാ​റ്റേ​റ്റ് വി​ശ്ര​മി​ക്കാ​നും പ്ര​ഭാ​ത, സാ​യാ​ഹ്ന സ​വാ​രി​ക്കു​മു​ൾ​പ്പെ​ടെ ഇ​റ​ങ്ങു​ന്ന​വ​ർ​ക്ക് വ​ഴി​വി​ള​ക്കി​ല്ലാ​ത്ത​തു ദു​രി​ത​മാ​യി മാ​റു​ന്നു. പു​തി​യ റോ​ഡാ​യ​തി​നാ​ൽ പു​ഴ​യോ​ര ഭാ​ഗ​ത്ത് വൈ​ദ്യു​തി പോ​സ്റ്റു​ക​ൾ സ്ഥാ​പി​ച്ച് ഇ​തി​ലു​ടെ വൈ​ദ്യു​തി ലൈ​ൻ വ​ലി​ച്ചി​ട്ടി​ല്ല. ഇ​താ​ണ് സ്ട്രീ​റ്റ് ലൈ​റ്റു​ക​ൾ സ്ഥാ​പി​ക്കു​ന്ന​തി​നു ത​ട​സ​മാ​യി​രി​ക്കു​ന്ന​ത്.

അ​തേ സ​മ​യം റോ​ട്ട​റി ക്ല​ബ്, ല​യ​ണ്‍​സ് ക്ല​ബ് തു​ട​ങ്ങി​യ സാ​മൂ​ഹ്യ സാം​സ്കാ​രി​ക സം​ഘ​ട​ന​ക​ളു​മാ​യി ബ​ന്ധ​പ്പെ​ട്ട് സ്പോ​ണ്‍​സ​ർ​ഷി​പ്പി​ലൂ​ടെ തു​കക​ണ്ടെ​ത്തി ഇ​വി​ടെ സോ​ളാ​റി​ൽ പ്ര​വ​ർ​ത്തി​ക്കു​ന്ന തെ​രു​വുവി​ള​ക്കു​ക​ൾ സ്ഥാ​പി​ക്കാ​നാ​കു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു. റോ​ഡി​ന്‍റെ പ്ര​വേ​ശ​ന​ക​വാ​ടം ഇ​നി​യും പൂ​ർ​ണ​മാ​യി തു​റ​ന്നു​ന​ൽ​കി​യി​ട്ടി​ല്ല. അ​തി​നാ​ൽ റോ​ഡി​ന്‍റെ തു​ട​ർ​വി​ക​സ​ന പ്ര​വ​ർ​ത്ത​ന​ങ്ങ​ളും അ​വ​താ​ള​ത്തി​ലാ​ണ്.

തെ​രു​വുവി​ള​ക്കി​ല്ലാ​ത്ത​തി​നാ​ൽ പു​ഴ​യോ​ര പാ​ത സാ​മൂ​ഹ്യ​വി​രു​ദ്ധ​രു​ടെ താ​വ​ള​മാ​ണ്. ഇ​രു​ട്ടി​ന്‍റെ മ​റ​വി​ൽ അ​നാ​ശാ​സ്യവും ല​ഹ​രി​വ​സ്തു​ക്ക​ളു​ടെ വി​ൽ​പ്പ​ന​യും ഉ​പ​യോ​ഗ​വും ഇ​വി​ടെ പ​തി​വാ​ണെ​ന്നും നാ​ട്ടു​കാ​ർ പ​റ​ഞ്ഞു. ​നേ​ര​ത്തേ വ്യാ​പ​ക പ​രാ​തി ഉ​യ​ർ​ന്ന​തി​നെത്തു​ട​ർ​ന്നു തെ​രു​വുവി​ള​ക്കു​ക​ൾ ഇ​ല്ലാ​ത്ത​തി​നാ​ൽ പ്ര​ഭാ​ത-​സാ​യാ​ഹ്ന സ​വാ​രി​ക്കാ​ർ​ക്കും ദു​രി​ത​മാ​ണ്.


അ​മി​ത​വേ​ഗം നി​യ​ന്ത്രി​ക്കു​ന്ന​തി​നു സ്പീ​ഡ് ബ്രേ​ക്ക​റു​ക​ൾ സ്ഥാ​പി​ച്ച​ത് അ​മി​ത​വേ​ഗ​ം ഒ​രു​പ​രി​ധി​വ​രെ നി​യ​ന്ത്രി​ക്കു​ന്ന​തി​നു സ​ഹാ​യ​മാ​ണെ​ങ്കി​ലും രാ​ത്രി സ​മ​യ​ങ്ങ​ളി​ൽ ഇ​തു അ​പ​ക​ട​ത്തി​ന് ഇ​ട​യാ​ക്കു​ന്നു​ണ്ട്. രാ​ത്രി സ​മ​യ​ങ്ങ​ളി​ൽ എ​തി​ർ​ദി​ശ​യി​ൽ​നി​ന്നു വ​രു​ന്ന വാ​ഹ​ന​ങ്ങ​ളു​ടെ പ്ര​കാ​ശം മൂ​ലം റോ​ഡ​രി​കി​ലൂ​ടെ കാ​ൽ​ന​ട​യാ​യി സ​ഞ്ച​രി​ക്കു​ന്ന​വ​രെ കാ​ണാ​നാ​കാ​തെ പോ​കു​ന്ന​തും അ​പ​ക​ട​ഭീ​ഷ​ണി ഉ​യ​ർ​ത്തു​ന്നു. അ​തി​നാ​ൽ ഇ​വി​ടെ തെ​രു​വുവി​ള​ക്കു​ക​ൾ സ്ഥാ​പി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.