നെ​ടു​ങ്ക​ണ്ടം: തൂ​ക്കു​പാ​ല​ത്ത് എ​ത്തു​ന്ന​വ​ർ ഒ​ന്ന് അ​മ്പ​ര​ക്കും. റോ​ഡി​ൽ വ​ലി​യ കു​ഴി​യും കു​ഴി നി​റ​യെ വെ​ള്ള​വും. റോ​ഡി​ൽ മീ​ൻ​കു​ള​മോ അ​തോ സ്വി​മ്മിം​ഗ് പൂ​ളോ എ​ന്ന് ചി​ന്തി​ച്ചുനി​ൽ​ക്കു​ന്ന​വ​ർ​ക്ക് പ്ര​ദേ​ശ​വാ​സി​ക​ൾ പ​റ​ഞ്ഞുകൊ​ടു​ക്കും. ഇ​ത് ക​മ്പം​മെ​ട്ട്-വ​ണ്ണ​പ്പു​റം ഹൈ​വേ നി​ർ​മാ​ണ​ത്തി​ന്‍റെ ഭാ​ഗ​മാ​യി തൂ​ക്കു​പാ​ലം ടൗ​ണി​ലെ ക​ലു​ങ്ക് പു​ന​ർ​നി​ർ​മി​ക്കാ​ൻ പൊ​ളി​ച്ചി​ട്ട​താ​ണ​ന്ന്.

ഒ​ന്ന​ര മാ​സ​ത്തോ​ള​മാ​യി. ഇ​പ്പോ​ൾ കു​ഴി​യി​ൽ നി​റ​യെ മ​ലി​ന​ജ​ല​വും കൊ​തു​കും. തി​ര​ക്കേ​റി​യ തൂ​ക്കു​പാ​ലം ടൗ​ണി​ന്‍റെ ഹൃ​ദ​യ​ഭാ​ഗ​ത്താ​ണ് ക​ലു​ങ്ക് നി​ർ​മി​ക്കാ​ൻ കു​ഴി​യെ​ടു​ത്ത​ത്. കു​ഴി​യി​ൽ നി​റ​യെ ഓ​ട​യി​ലെ മ​ലി​ന​ജ​ലം നി​റ​ഞ്ഞ് കി​ട​ക്കാ​ൻ തു​ട​ങ്ങി​യി​ട്ട് ആ​ഴ്ച​ക​ളാ​യെ​ങ്കി​ലും നി​ർ​മാ​ണം ആ​രം​ഭി​ച്ചി​ട്ടി​ല്ല. തൂ​ക്കു​പാ​ല​ത്തെ വ്യാ​പാ​ര സ്ഥാ​പ​ന​ങ്ങ​ളി​ൽ നി​ന്നു​ള്ള മ​ലി​ന​ജ​ലം ഓ​ട​യി​ലേ​ക്ക് തു​റ​ന്നുവി​ടു​ന്ന​താ​യി മു​ൻ​പ് ക​ണ്ടെ​ത്തി​യി​രു​ന്നു. പ​ഞ്ചാ​യ​ത്ത് അ​ധി​കൃ​ത​ർ പി​ഴ​യീ​ടാ​ക്കി​യെ​ങ്കി​ലും ക​ക്കൂ​സ് മാ​ലി​ന്യ​മു​ൾ​പ്പെ​ടെ ഇ​പ്പോ​ഴും ഓ​ട​യി​ൽ ഒ​ഴു​ക്കു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു.

ഓ​ട​യി​ൽ നി​ന്നു​ള്ള മാ​ലി​ന്യം ഒ​ഴു​കി​യെ​ത്തു​ന്ന​ത് ക​ല്ലാ​ർ പു​ഴ​യി​ലേ​ക്ക് ആ​ണെ​ന്നും പ്ര​ദേ​ശ​വാ​സി​ക​ൾ പ​റ​യു​ന്നു. മ​ലി​ന​ജ​ലം നി​റ​ഞ്ഞ ടൗ​ണി​ലെ കു​ഴി ഒ​രേ സ​മ​യം അ​പ​ക​ടങ്ങൾക്കും ഗു​രു​ത​ര ആ​രോ​ഗ്യ പ്ര​ശ്ന​ങ്ങ​ൾ​ക്കും കാ​ര​ണ​മാ​കാ​ൻ ഇ​ട​യു​ണ്ടാ​യി​ട്ടും ആ​രോ​ഗ്യ വി​ഭാ​ഗ​വും പ​ഞ്ചാ​യ​ത്ത്‌ അ​ധി​കൃ​ത​രും മൗ​നം പാ​ലി​ക്കു​ക​യാ​ണെ​ന്നും ആ​ക്ഷേ​പ​മു​ണ്ട്.

തി​ര​ക്കേ​റി​യ ടൗ​ണി​ലെ ഇ​പ്പോ​ഴ​ത്തെ ഗ​താ​ഗ​ത കു​രു​ക്കി​ന്‍റെ പ്ര​ധാ​ന കാ​ര​ണം ഈ കു​ഴി​യാ​ണെ​ന്ന് ഡ്രൈ​വ​ർ​മാ​ർ പ​റ​യു​ന്നു. ക​ലു​ങ്ക് നി​ർ​മാ​ണം എ​ന്ന് ആ​രം​ഭി​ക്കു​മെ​ന്ന​തി​ലും വ്യ​ക്ത​ത​യി​ല്ല.