രാ​ജ​മ​ല സെ​ന്‍റ് തെ​രേ​സാ​സ് പ​ള്ളി ശ​താ​ബ്ദി നി​റ​വി​ൽ
Sunday, September 22, 2024 3:06 AM IST
മൂ​ന്നാ​ർ: തെ​ക്കേ ഇ​ന്ത്യ​യി​ലെ ഏ​റ്റ​വും ഉ​യ​രം കൂ​ടി​യ കൊ​ടു​മു​ടി​യാ​യ ആ​ന​മു​ടി​യു​ടെ മ​ടി​ത്ത​ട്ടി​ൽ സ്ഥി​തി ചെ​യ്യു​ന്ന രാ​ജ​മ​ല സെ​ന്‍റ് തെ​രേ​സാ​സ് ദേ​വാ​ല​യം ശ​താ​ബ്ദി നി​റ​വി​ൽ. വി​ജ​യ​പു​രം രൂ​പ​ത​യു​ടെ മൂ​ന്നാ​ർ മൗ​ണ്ട് കാ​ർ​മ​ൽ മൈ​ന​ർ ബ​സി​ലി​ക്ക​യു​ടെ കീ​ഴി​ലു​ള്ള ദേവാ​ല​യ​ത്തി​ന്‍റെ ശ​താ​ബ്ദി ആ​ഘോ​ഷ​വും ന​വീ​ക​രി​ച്ച പ​ള്ളി​യു​ടെ വെ​ഞ്ച​രി​പ്പും ഒ​ക്ടോ​ബ​ർ ആ​റി​ന് ന​ട​ക്കും.

വി​ജ​യ​പു​രം രൂ​പ​ത മെ​ത്രാ​ൻ ഡോ. ​സെ​ബാ​സ്റ്റ്യ​ൻ തെ​ക്ക​ത്തെച്ചേ​രി​ലി​ന്‍റെ മു​ഖ്യ​കാ​ർ​മി​ക​ത്വ​ത്തി​ൽ ഉ​ച്ച​ക​ഴി​ഞ്ഞ് മൂ​ന്നി​നാ​ണ് ച​ട​ങ്ങു​ക​ൾ. സ​മു​ദ്ര​നി​ര​പ്പി​ൽനി​ന്നു 8842 അ​ടി ഉ​യ​ര​ത്തി​ൽ സ്ഥി​തി ചെ​യ്യു​ന്ന ആ​ന​മു​ടി​യു​ടെ താ​ഴ‌്‌വാ​ര​ത്തു​ള്ള ഇ​ര​വി​കു​ളം നാ​ഷ​ണ​ൽ പാ​ർ​ക്കി​ന്‍റെ ഭാ​ഗ​മാ​യ രാ​ജ​മ​ല​യി​ൽ സ്പാ​നി​ഷ് മി​ഷ​ണ​റി വൈ​ദി​ക​നാ​യി​രു​ന്ന ഫാ. ​സെ​ലു​സ്റ്റി​യാ​നൂ​സാ​ണ് 1924-ൽ ​സെ​ന്‍റ് തെ​രേ​സാ​സ് ദേ​വാ​ല​യം നി​ർ​മി​ച്ച​ത്.​

മൂ​ന്നാ​റി​ലും തൊ​ഴി​ലാ​ളി​ക​ൾ താ​മ​സി​ക്കു​ന്ന എ​സ്റ്റേ​റ്റ് മേ​ഖ​ല​ക​ളി​ലും മി​ഷ​ൻ പ്ര​വ​ർ​ത്ത​ന​ങ്ങ​ൾ ന​ട​ത്തിവ​രു​ന്ന​തി​നി​ടെ​യാ​ണ് മ​നോ​ഹ​ര​മാ​യ രാ​ജ​മ​ല​യി​ൽ ദേ​വാ​ല​യം നി​ർ​മി​ക്ക​ണ​മെ​ന്ന ആ​ഗ്ര​ഹം അ​ച്ച​ന്‍റെ മ​ന​സി​ലു​ദി​ച്ച​ത്. പ്ര​തി​കൂ​ല കാ​ലാ​വ​സ്ഥ​യും വാ​ഹ​ന​ഗ​താ​ഗ​തം പ​രി​മി​ത​വു​മാ​യ സാ​ഹ​ച​ര്യ​ങ്ങ​ളെ അ​തി​ജീ​വി​ച്ചാ​ണ് 1924-ൽ ​ദേ​വാ​ല​യം പൂ​ർ​ത്തീ​ക​രി​ച്ച​ത്.


ഗോ​ഥി​ക് ശൈ​ലി​യി​ൽ നി​ർ​മി​ച്ചി​ട്ടു​ള്ള പ​ള്ളി​യി​ൽ എ​ല്ലാ ആ​ഴ്ച​ക​ളി​ലും ശു​ശ്രൂ​ഷ​ക​ൾ ന​ട​ന്നുവ​രു​ന്നു​ണ്ട്. തേ​യി​ലത്തോ​ട്ടം തൊ​ഴി​ലാ​ളി​ക​ളും ഉ​ദ്യോ​ഗ​സ്ഥ​രു​മാ​ണ് ഇ​ട​വ​ക​കാം​ഗ​ങ്ങ​ളി​ൽ ഏ​റെ പേ​രും. പ്ര​തി​കൂ​ല കാ​ലാ​വ​സ്ഥ​യെ അ​തി​ജീ​വി​ച്ച് നി​ല​കൊ​ള്ളു​ന്ന പ​ള്ളി​യു​ടെ അ​റ്റ​കു​റ്റ​പ്പ​ണി​ക​ൾ ഒ​രു വ​ർ​ഷം കൊ​ണ്ടാ​ണ് പൂ​ർ​ത്തി​യാ​ക്കാ​നാ​യ​ത്. മൂ​ന്നാ​ർ ബ​സി​ലി​ക്ക റെ​ക്ട​ർ ഫാ.​ മൈ​ക്കി​ൾ വ​ല​യി​ഞ്ചി​യി​ൽ, ഫാ. ​അ​ന​സ് പോ​ൾ, ഇ​ട​വ​കാം​ഗ​ങ്ങ​ൾ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ആ​ഘോ​ഷ​പ​രി​പാ​ടി​ക​ൾ ന​ട​ത്തു​ന്ന​ത്.

2020 ഓ​ഗ​സ്റ്റ് ആ​റി​ന് 70 പേ​രു​ടെ ജീ​വ​ൻ ന​ഷ്ട​മാ​കാ​ൻ ഇ​ട​യാ​ക്കി​യ പെ​ട്ടി​മു​ടി ഉ​രു​ൾ​പൊ​ട്ട​ൽ ദു​ര​ന്തം ന​ട​ന്ന സ്ഥ​ലം രാ​ജ​മ​ല പ​ള്ളി​യു​ടെ മൂ​ന്നു കി​ലോ​മീ​റ്റ​ർ അ​ക​ലെ​യാ​ണ്.