മ​ണ​ക്ക​ട​വ്: ഉ​ദ​യ​ഗി​രി പ​ഞ്ചാ​യ​ത്തി​ലെ മ​ധു​വ​നം, ആ​ന​ക്കു​ഴി, മ​ണ​ക്ക​ട​വ്, മൂ​രി​ക്ക​ട​വ്, അ​രി​വി​ള​ഞ്ഞ​പൊ​യി​ലി​ൽ, ജ​യ​ഗി​രി, ശാ​ന്തി​പു​രം പ്ര​ദേ​ശ​ങ്ങ​ളി​ൽ കാ​ട്ടു​പ​ന്നി ശ​ല്യം രൂ​ക്ഷം. മ​ധു​വ​ന​ത്തെ പാ​റ​യി​ൽ പ്രി​യ​ന്‍റെ കൃ​ഷി​യി​ട​ത്തി​ൽ കാ​ട്ടു​പ​ന്നി​ക്കൂ​ട്ട​മി​റ​ങ്ങി ക​പ്പ, വാ​ഴ, ചേ​മ്പ് എന്നിവ ന​ശി​പ്പി​ച്ചു.

ഈ ​മേ​ഖ​ല​യി​ൽ ആ​ഴ്ച​ക​ളാ​യി പ​ന്നി​ക്കൂ​ട്ടം മേ​യു​ക​യാ​ണ്. അ​രി​വി​ള​ഞ്ഞ​പൊ​യി​ൽ ടൗ​ൺ പ​രി​സ​ര​ങ്ങ​ളി​ലെ കൃ​ഷി​യി​ട​ങ്ങ​ളി​ൽ അ​ട​ക്കം കാ​ട്ടു​പ​ന്നി അ​ക്ര​മം പെ​രു​കി​യ​തോ​ടെ ജീ​വി​തം വ​ഴി​മു​ട്ടി​യ നി​ല​യി​ലാ​ണ് ക​ർ​ഷ​ക​ർ. ശ​ല്യം രൂ​ക്ഷ​മാ​യ സാ​ഹ​ച​ര്യ​ത്തി​ൽ ഉ​ദ​യ​ഗി​രി പ​ഞ്ചാ​യ​ത്തി​ൽ കാ​ട്ടു​പ​ന്നി​ക​ളെ വെ​ടി​വ​ക്കാ​ൻ പ്ര​ത്യേ​ക ടീം ​ഉ​ണ്ടാ​ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം. കാ​ട്ടു​മൃ​ഗ​ങ്ങ​ളു​ടെ ശ​ല്യം രൂ​ക്ഷ​മാ​യി​ട്ടും പ​ഞ്ചാ​യ​ത്ത് അ​ധി​കൃ​ത​രു​ടെ ഭാ​ഗ​ത്തു​നി​ന്ന് യാ​തൊ​രു ന​ട​പ​ടി​യും അ​വ​യെ നി​യ​ന്ത്രി​ക്കാ​ൻ ഉ​ണ്ടാ​ക്കാ​ത്ത​തി​ൽ ക​ർ​ഷ​ക​ർ നി​രാ​ശ​യി​ലാ​ണ്.

പെ​രു​മ്പ​ട​വ്: പു​ലി​ക്ക് പി​റ​കെ പ​ന്നി​യും മ​ല​യോ​ര ക​ർ​ഷ​ക​ന്‍റെ ഉ​റ​ക്കം കെ​ടു​ത്തു​ന്നു. ക​ഴി​ഞ്ഞ ദി​വ​സം എ​ട​ക്കോം കോ​ലാ​ർ​തൊ​ട്ടി​യി​ലെ കെ.​സി. ബാ​ല​കൃ​ഷ്ണ​ന്‍റെ അ​ര​യേ​ക്ക​ർ പ​റ​മ്പി​ലെ ചേ​ന, ചേ​മ്പ്, കാ​ച്ചി​ൽ, ക​പ്പ എ​ന്നീ കൃ​ഷി​ക​ൾ പൂ​ർ​ണ​മാ​യും ന​ശി​പ്പി​ച്ചു. ഇ​തി​ന് പു​റ​മെ കു​ല​ക്കാ​റാ​യ വാ​ഴ​യും ന​ശി​പ്പി​ച്ചു. വി​ള​വ് ല​ഭി​ക്കു​ന്ന തെ​ങ്ങി​ന്‍റെ ചു​വ​ട് കു​ത്തി​ത്തു​ര​ന്നു. എ​ട​ക്കോം മേ​ഖ​ല​യി​ൽ വ​ന്യ​മൃ​ഗ​ങ്ങ ളു​ടെ ശ​ല്യം സ്ഥി​ര​മാ​ണെ​ന്നും കൃ​ഷി ഉ​പേ​ക്ഷി​ക്കേ​ണ്ട അ​വ​സ്ഥ​യി​ലാ​ണെ​ന്നും ബാ​ല​കൃ​ഷ്ണ​ൻ പ​റ​ഞ്ഞു.