പ​ഴ​യ​ങ്ങാ​ടി: പ​ഴ​യ​ങ്ങാ​ടി-​പി​ലാ​ത്ത​റ കെ​എ​സ്ടി​പി ചെ​റു​താ​ഴം പാ​ത​യി​ലെ ഹ​നു​മാ​ര​ബ​ലം റോ​ഡി​ൽ ശ​ബ​രി​മ​ല ദ​ർ​ശ​നം ക​ഴി​ഞ്ഞു മ​ട​ങ്ങു​ക​യാ​യി​രു​ന്ന ക​ർ​ണാ​ട​ക സ്വ​ദേ​ശി​ക​ളാ​യ അ​യ്യ​പ്പ ഭ​ക്ത​ർ സ​ഞ്ച​രി​ച്ച മി​നി ബ​സ് മ​റി​ഞ്ഞ് 25 പേ​ർ​ക്കു പ​രി​ക്കേ​റ്റു. സാ​ര​മാ​യി പ​രി​ക്കേ​റ്റ ഹ​സ​ൻ ജി​ല്ല സ്വ​ദേ​ശിക​ളാ​യ നാ​ഗ​രാ​ജ് (36), ന​ദി​ശ് (27) എ​ന്നി​വ​രെ പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

നി​സാ​ര​പ​രി​ക്കേറ്റ മ​റ്റ് തീ​ർ​ഥാ​ട​ക​ർ സ​മീ​പ​ത്തെ വി​വി​ധ ആ​ശു​പ​ത്രി​ക​ളി​ലെ പ്ര​ഥ​മ ചി​കി​ത്സ​യ്ക്കു ശേ​ഷം സ്വ​ദേ​ശ​ത്തേ​ക്കു മ​ട​ങ്ങി.

ഇ​വ​ർ സ​ഞ്ച​രി​ച്ച മി​നി ബ​സ് ചെ​റു​താ​ഴ​ത്തു വ​ച്ച് ഇ​ന്ന​ലെ രാ​വി​ലെ നി​യ​ന്ത്ര​ണം വി​ട്ട് മ​റി​യു​ക​യാ​യി രു​ന്നു. ആ​ദ്യം സ​മീ​പ​ത്തെ വൈ​ദ്യു​ത പോ​സ്റ്റി​ലും പി​ന്നീ​ട് സ​മീ​പ​വാ​സി ദി​വാ​ക​ര​ന്‍റെ വീ​ടി​ന്‍റെ ചു​റ്റു​മ​തി​ലും ഇ​ടി​ച്ചു ത​ക​ർ​ത്താ​ണ് ബ​സ് മ​റി​ഞ്ഞ​ത്. വൈ​ദ്യു​തി ബ​ന്ധം വി​ച്ഛേ​ദി​ക്ക​പ്പെ​ട്ട​തി​നാ​ലും വാ​ഹ​ന​ത്തി​ന്‍റെ വ​ര​വി​ൽ അ​സ്വാ​ഭാ​വി​ക​ത തോ​ന്നി​യ കാ​ൽ​ന​ട യാ​ത്രി​ക​ർ ഓ​ടി​മാ​റി​യ​തി​നാ​ലു​മാ​ണ് വ​ൻ ദു​ര​ന്തം ഒ​ഴി​വാ​യ​ത്.

ബ​സി​ൽ കു​ട്ടി​ക​ട​ക്കം 26 പേ​രാ​ണ് ഉ​ണ്ടാ​യി​രു​ന്ന​ത്. നാ​ട്ടു​കാ​രു​ടെ നേ​തൃ​ത്വ​ത്തി​ലാ​യി​രു​ന്നു ര​ക്ഷാ പ്ര​വ​ർ​ത്ത​നം ന​ട​ത്തി​യ​ത്. അ​പ​ക​ട​ത്തി​ൽ​പെ​ട്ട വാ​ഹ​ന​ത്തി​ന്‍റെ മു​ൻ ഭാ​ഗം പൂ​ർ​ണ​മാ​യും ത​ക​ർ​ന്ന നി​ല​യി​ലാ​ണ്. പ​രി​യാ​രം പോ​ലീ​സും സ്ഥ​ല​ത്ത് എ​ത്തി​യി​രു​ന്നു. ബ​സ് ഡ്രൈ​വ​ർ ഉ​റ​ങ്ങി​പ്പോ​യ​താ​കാം അ​പ​ക​ട കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.