പെ​രി​ന്ത​ൽ​മ​ണ്ണ: താ​മ​ര​ശേ​രി താ​ലൂ​ക്ക് ആ​ശു​പ​ത്രി​യി​ൽ ഡോ. ​വി​പി​നി​ന് നേ​രേ​യു​ണ്ടാ​യ ക്രൂ​ര​മാ​യ ആ​ക്ര​മ​ണ​ത്തി​ൽ പ്ര​തി​ഷേ​ധി​ച്ച്, ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​ൻ (ഐ​എം​എ) പെ​രി​ന്ത​ൽ​മ​ണ്ണ ശാ​ഖ​യും, കെ​ജി​എം​ഒ​എ​യും ചേ​ർ​ന്ന് ഇ​ന്ന് പെ​രി​ന്ത​ൽ​മ​ണ്ണ ഗ​വ. ആ​ശു​പ​ത്രി പ​രി​സ​ര​ത്ത് സം​യു​ക്ത പ്ര​തി​ഷേ​ധം സം​ഘ​ടി​പ്പി​ച്ചു.

ഐ​എം​എ കേ​ര​ള സ്റ്റേ​റ്റ് ബ്രാ​ഞ്ച് ആ​ഹ്വാ​നം ചെ​യ്ത സം​സ്ഥാ​ന​വ്യാ​പ​ക പ്ര​തി​ഷേ​ധ​ത്തി​ന്‍റെ ഭാ​ഗ​മാ​യ ഈ ​യോ​ഗം, ഡോ​ക്ട​ർ​മാ​ർ​ക്കെ​തി​രേ​യു​ള്ള വ​ർ​ധി​ച്ചു​വ​രു​ന്ന അ​തി​ക്ര​മ​ങ്ങ​ൾ​ക്കെ​തി​രേ ശ​ക്ത​മാ​യ ആ​ക്രോ​ശം പ്ര​ക​ടി​പ്പി​ക്കു​ക​യും, ആ​ശു​പ​ത്രി​ക​ളും ആ​രോ​ഗ്യ​സ്ഥാ​പ​ന​ങ്ങ​ളും പ്ര​ത്യേ​ക സം​ര​ക്ഷി​ത മേ​ഖ​ല​യാ​യി പ്ര​ഖ്യാ​പി​ക്ക​ണ​മെ​ന്നും, കോ​ഡ് ഗ്രേ ​പ്രോ​ട്ടോ​കോ​ൾ അ​നു​സ​രി​ച്ച് സു​ര​ക്ഷാ സം​വി​ധാ​നം ഉ​ട​ൻ ന​ട​പ്പാ​ക്ക​ണ​മെ​ന്നും ആ​വ​ശ്യ​പ്പെ​ട്ടു.

പ്ര​തി​ഷേ​ധ​ത്തി​ന് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച്, പെ​രി​ന്ത​ൽ​മ​ണ്ണ​യി​ലെ എ​ല്ലാ സ്വ​കാ​ര്യ ആ​ശു​പ​ത്രി​ക​ളും ഒ.​പി, ഐ​പി, ഒ​ടി പ്ര​വ​ർ​ത്ത​ന​ങ്ങ​ൾ രാ​വി​ലെ 11 മ​ണി​വ​രെ താ​ൽ​ക്കാ​ലി​ക​മാ​യി നി​ർ​ത്തി​വ​ച്ചു. എ​മ​ർ​ജ​ൻ​സി സേ​വ​ന​ങ്ങ​ൾ സാ​ധാ​ര​ണ നി​ല​യി​ൽ തു​ട​ർ​ന്നു. പ്ര​തി​ഷേ​ധ യോ​ഗ​ത്തി​ൽ ഡോ. ​വി.​യു. സീ​തി, ഡോ. ​എ.​വി. ജ​യ​കൃ​ഷ്ണ​ൻ ഡോ. ​സാ​മു​വ​ൽ കോ​ഷി, ഡോ. ​കെ.​എ. സീ​തി, ഡോ. ​ഷാ​ജി അ​ബ്ദു​ൽ ഗ​ഫൂ​ർ ഉ​ൾ​പ്പെ​ടെ​യു​ള്ള മു​തി​ർ​ന്ന ഐ​എം​എ – കെ​ജി​എം​ഒ​എ നേ​താ​ക്ക​ൾ അ​ഭി​സം​ബോ​ധ​ന ചെ​യ്തു സം​സാ​രി​ച്ചു യോ​ഗ​ത്തി​ൽ ഐ​എം​എ പെ​രി​ന്ത​ൽ​മ​ണ്ണ ശാ​ഖാ പ്ര​സി​ഡ​ന്‍റ് ഡോ. ​എം. സ​ന്തോ​ഷ് കു​മാ​ർ ​അ​ധ്യ​ക്ഷ​ത വ​ഹി​ച്ചു.

നി​ല​മ്പൂ​ർ: താ​മ​ര​ശേ​രി ആ​ശു​പ​ത്രി​യി​ല്‍ ഡോ​ക്ട​ര്‍​ക്ക് വെ​ട്ടേ​റ്റ സം​ഭ​വ​ത്തി​ല്‍ പ്ര​തി​ഷേ​ധം ശ​ക്ത​മാ​ക്കി ഡോ​ക്ട​ര്‍​മാ​ര്‍. സം​സ്ഥാ​ന വ്യാ​പ​ക​മാ​യി ന​ട​ത്തു​ന്ന പ്ര​തി​ഷേ​ധ​ങ്ങ​ളു​ടെ ഭാ​ഗ​മാ​യി നി​ല​മ്പൂ​ര്‍ ജി​ല്ലാ ആ​ശു​പ​ത്രി​യി​ലും ധ​ർ​ണ സ​മ​രം സം​ഘ​ടി​പ്പി​ച്ചു. ഡോ​ക്ട​ര്‍​മാ​രു​ടെ ജീ​വ​നും സ്വ​ത്തി​നും സു​ര​ക്ഷ ന​ല്‍​കേ​ണ്ട​ത് സ​മൂ​ഹ​ത്തി​ന്‍റെ കൂ​ടി ബാ​ധ്യ​ത​യാ​ണ്.

സ​മൂ​ഹം ഇ​ത് മ​ന​സ്സി​ലാ​ക്ക​ണം. അ​ല്ലാ​ത്ത​പ​ക്ഷം ഈ ​മേ​ഖ​ല​യി​ലേ​ക്ക് ആ​ളു​ക​ള്‍ ക​ട​ന്നു​വ​രാ​ന്‍ മ​ടി​ക്കു​ന്ന സാ​ഹ​ച​ര്യ​മു​ണ്ടാ​വും. ജീ​വ​ഭ​യ​മി​ല്ലാ​തെ ജോ​ലി ചെ​യ്യു​വാ​നു​ള​ള സാ​ഹ​ച​ര്യ​മൊ​രു​ക്ക​ണ​മെ​ന്നും യോ​ഗം ആ​വ​ശ്യ​പ്പെ​ട്ടു. സീ​നി​യ​ര്‍ ഐ​എം​എ ലീ​ഡ​ര്‍ ഡോ. ​സി.​എം. ഗോ​പി​നാ​ഥ​ന്‍ ഉ​ദ്ഘാ​ട​നം ചെ​യ്തു. ഡോ. ​അ​ബ്ദു​ല്‍ സ​മ​ദ് അ​ധ്യ​ക്ഷ​നാ​യി. ഡോ. ​ജേ​ക്ക​ബ് ജോ​ര്‍​ജ്, ഡോ. ​ജ​ലാ​ലു​ദ്ദീ​ന്‍, ഡോ. ​കെ.​ടി. മ​നോ​ജ്,

ഡോ. ​റ​ഫീ​ക്ക് അ​ലി, ഡോ. ​സ​ന​ല്‍, സി​സ്റ്റ​ര്‍ കൊ​ച്ചു​റാ​ണി, പി.​ജി. വി​ദ്യാ​ർ​ഥി​ക​ളാ​യ ശ്രീ​ഹ​രി, ഹൗ​സ് സ​ര്‍​ജ​ന്‍ ഡോ. ​ന​വാ​സ് എ​ന്നി​വ​ര്‍ പ്ര​സം​ഗി​ച്ചു. നി​ല​മ്പൂ​ര്‍ ഐ​എം​എ, നി​ല​മ്പൂ​ര്‍ കെ​ജി​എം​ഒ​എ, ഇ​ന്ത്യ​ന്‍ ഡെ​ന്‍റ​ല്‍ അ​സോ​സി​യേ​ഷ​ന്‍, കേ​ര​ളാ ഗ​വ. നേ​ഴ്‌​സ​സ് അ​സോ​സി​യേ​ഷ​ന്‍, എ​ന്‍​ജി​ഒ യൂ​ണി​യ​ന്‍ എ​ന്നീ സം​ഘ​ട​ന​ക​ളു​ടെ സം​യു​ക്താ​ഭി​മു​ഖ്യ​ത്തി​ലാ​യി​രു​ന്നു ധ​ര്‍​ണ.

മ​ഞ്ചേ​രി: താ​മ​ര​ശേ​രി താ​ലൂ​ക്ക് ആ​ശു​പ​ത്രി​യി​ല്‍ ഡോ​ക്ട​ര്‍​ക്ക് നേ​രേ​യു​ണ്ടാ​യ ക്രൂ​ര​മാ​യ ആ​ക്ര​മ​ണ​ത്തി​ല്‍ മ​ഞ്ചേ​രി ഗ​വ. മെ​ഡി​ക്ക​ല്‍ കോ​ള​ജി​ലെ​യും ജ​ന​റ​ല്‍ ആ​ശു​പ​ത്രി​യി​ലേ​യും ഡോ​ക്ട​ര്‍​മാ​രൂം മെ​ഡി​ക്ക​ല്‍ വി​ദ്യാ​ർ​ഥി​ക​ളും സം​യു​ക്ത​മാ​യി പ്ര​തി​ഷേ​ധി​ച്ചു. കെ​ജി​എം​ഒ​എ, കെ​ജി​എം​സി​ടി​എ, ഐ​എം​എ സം​ഘ​ട​ന​ക​ളു​ടെ​യും വി​ദ്യാ​ർ​ഥി യൂ​ണി​യ​ന്‍റെ​യും നേ​തൃ​ത്വ​ത്തി​ലാ​യി​രു​ന്നു പ്ര​തി​ഷേ​ധം.

താ​മ​ര​ശേ​രി താ​ലൂ​ക്ക് ആ​ശു​പ​ത്രി​യി​ല്‍ അ​മീ​ബി​ക് മ​സ്തി​ഷ്‌​ക ജ്വ​രം ബാ​ധി​ച്ചു മ​രി​ച്ച കു​ട്ടി​യു​ടെ പി​താ​വ് വ​ടി വാ​ളു​മാ​യി എ​ത്തി ഡ്യൂ​ട്ടി​യി​ല്‍ ഉ​ള്ള ഡോ​ക്ട​റെ ത​ല​യ്ക്കു വെ​ട്ടു​ക​യും ഗു​രു​ത​ര​മാ​യി പ​രി​ക്കേ​ല്‍​പ്പി​ക്കു​ക​യും ചെ​യ്തി​രു​ന്നു.

ജീ​വ​ന് ഭീ​ഷ​ണി​യാ​യ രീ​തി​യി​ലു​ള്ള ഈ ​സം​ഭ​വം ആ​രോ​ഗ്യ​രം​ഗ​ത്തെ മു​ഴു​വ​ന്‍ സ​മൂ​ഹ​ത്തെ​യും ന​ടു​ക്കി​യി​രി​ക്കു​ക​യാ​ണ്. സം​ഭ​വ​ത്തി​നെ​തി​രേ പ്ര​തി​ഷേ​ധി​ച്ച കെ​ജി​എം​ഒ​എ ഡോ​ക്ട​ര്‍​മാ​ര്‍ രോ​ഗി പ​രി​ച​ര​ണം ഒ​ഴി​കെ​യു​ള്ള എ​ല്ലാ സേ​വ​ന​ങ്ങ​ളി​ലും നി​ന്നും പി​ന്മാ​റി പ്ര​തി​ഷേ​ധം രേ​ഖ​പ്പെ​ടു​ത്തി. ആ​ശു​പ​ത്രി പ​രി​സ​ര​ത്ത് ന​ട​ന്ന പ്ര​തി​ഷേ​ധ യോ​ഗ​ത്തി​ന് കെ​ജി​എം​ഒ​എ താ​ലൂ​ക്ക് ക​ണ്‍​വീ​ന​ര്‍ ഡോ. ​സെ​റീ​ന അ​ബി​ദ്, യൂ​ണി​റ്റ് ക​ണ്‍​വീ​ന​ര്‍ ഡോ. ​ആ​ര്‍.​കെ. സു​ര​ജ് എ​ന്നി​വ​ര്‍ നേ​തൃ​ത്വം ന​ല്‍​കി. വൈ​സ് പ്ര​സി​ഡ​ന്‍റ് ഡോ. ​റെ​നി ഐ​സ​ക്ക്,

സം​സ്ഥാ​ന ക​മ്മി​റ്റി​യം​ഗം ഡോ. ​പി അ​സ്ലം പി, ​സീ​നി​യ​ര്‍ മെ​മ്പ​ര്‍ ഡോ. ​ഷാ​ജു തോ​മ​സ്, ഡോ. ​സ​ബി​ത റോ​സ് ആ​ല്‍​ബി​ന്‍, സ​രി​ഗ, ഷി​റാ​സ് എ​ന്നി​വ​ര്‍ സം​സാ​രി​ച്ചു. ഡോ​ക്ട​ര്‍​മാ​രു​ടെ സു​ര​ക്ഷ ഉ​റ​പ്പാ​ക്കാ​ന്‍ സ​ര്‍​ക്കാ​ര്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും ആ​രോ​ഗ്യ​രം​ഗ​ത്തു​ള്ള​വ​ര്‍​ക്ക് സു​ര​ക്ഷി​ത​മാ​യ തൊ​ഴി​ല്‍​പ​രി​സ​രം ഒ​രു​ക്ക​ണ​മെ​ന്നും സ​മ​ര​ക്കാ​ര്‍ ആ​വ​ശ്യ​പ്പെ​ട്ടു. ഇ​ത്ത​രം സം​ഭ​വ​ങ്ങ​ള്‍ ആ​വ​ര്‍​ത്തി​ക്കാ​തി​രി​ക്കാ​ന്‍ ശ​ക്ത​മാ​യ നി​യ​മ​ന​ട​പ​ടി​ക​ള്‍ ഉ​റ​പ്പാ​ക്ക​ണ​മെ​ന്നും അ​വ​ര്‍ ആ​വ​ശ്യ​പ്പെ​ട്ടു.