ലി​ഫ്റ്റ് സൗ​ക​ര്യ​വും ഒ​രു​ങ്ങും

അ​ങ്ങാ​ടി​പ്പു​റം : ഷൊ​ർ​ണൂ​ർ -നി​ല​ന്പൂ​ർ പാ​ത​യി​ലെ പ്ര​ധാ​ന റെ​യി​ൽ​വേ സ്റ്റേ​ഷ​നാ​യ അ​ങ്ങാ​ടി​പ്പു​റം റെ​യി​ൽ​വേ സ്റ്റേ​ഷ​നി​ൽ എ​ഫ്സി​ഐ റോ​ഡി​ലൂ​ടെ എ​ത്തു​ന്ന യാ​ത്ര​ക്കാ​രു​ടെ സൗ​ക​ര്യം ക​ണ​ക്കി​ലെ​ടു​ത്ത് വാ​ഹ​ന പാ​ർ​ക്കിം​ഗ് മേ​ഖ​ല​യു​ടെ​യും മേ​ൽ​പാ​ല​ത്തി​ന്‍റെ​യും പ്ര​വൃ​ത്തി​ക​ൾ പു​രോ​ഗ​മി​ക്കു​ന്നു.

ഇ​തി​നോ​ട​നു​ബ​ന്ധി​ച്ച് ലി​ഫ്റ്റ് സൗ​ക​ര്യ​വും ഒ​രു​ക്കു​ന്നു​ണ്ട്. പ്രാ​യ​മാ​യ​വ​രും രോ​ഗി​ക​ളു​മാ​യ യാ​ത്ര​ക്കാ​രെ ഉ​ദ്ദേ​ശി​ച്ചാ​ണ് ലി​ഫ്റ്റ് ഏ​ർ​പ്പെ​ടു​ത്തു​ന്ന​ത്. നി​ല​വി​ൽ പാ​ളം മു​റി​ച്ചു ക​ട​ന്നു​വേ​ണം യാ​ത്ര​ക്കാ​ർ​ക്ക് സ്റ്റേ​ഷ​നി​ലെ​ത്താ​ൻ. ക്രോ​സിം​ഗ് സ്റ്റേ​ഷ​ൻ ആ​യ​തി​നാ​ൽ മി​ക്ക​പ്പോ​ഴും ഇ​രു​വ​ശ​ത്തേ​ക്കും ട്രെ​യി​നു​ണ്ടാ​കും. ഇ​തു​മൂ​ലം പാ​ളം മു​റി​ച്ചു​ക​ട​ക്കു​ന്ന​ത് അ​പ​ക​ട​ങ്ങ​ൾ​ക്കി​ട​യാ​ക്കും.

ഫൂ​ട്ട് ഓ​വ​ർ ബ്രി​ഡ്ജ് പ്ര​വൃ​ത്തി​ക​ൾ പൂ​ർ​ത്തി​യാ​കു​ന്ന​തോ​ടെ യാ​ത്ര​ക്കാ​രു​ടെ പ്ര​യാ​സ​ത്തി​ന് പ​രി​ഹാ​ര​മാ​കും. ഇ​തോ​ടൊ​പ്പം ഈ ​ഭാ​ഗ​ത്ത് ടി​ക്ക​റ്റ് ബു​ക്കിം​ഗി​നു​ള്ള എ​ടി​വി​എം സ​ജ്ജ​മാ​ക്കും. റെ​യി​ൽ​വേ സ്റ്റേ​ഷ​നി​ലെ ട്രോ​ളി പാ​ത്തും ന​വീ​ക​രി​ക്കു​വാ​നും പ​ദ്ധ​തി​യു​ണ്ട്. റെ​യി​ൽ​വേ സ്റ്റേ​ഷ​നി​ൽ ന​ട​ന്നു​വ​രു​ന്ന അ​മൃ​ത് ഭാ​ര​ത് പ​ദ്ധ​തി​ക​ളു​ടെ ഉ​ദ്ഘാ​ട​ന​ത്തി​ന് മു​ന്പാ​യി ലി​ഫ്റ്റും വാ​ഹ​ന പാ​ർ​ക്കിം​ഗ് മേ​ഖ​ല​യും പൂ​ർ​ത്തി​യാ​ക്കാ​നാ​ണ് ല​ക്ഷ്യം.

അ​മൃ​ത് ഭാ​ര​ത് സ്റ്റേ​ഷ​ൻ ന​വീ​ക​ര​ണ പ​ദ്ധ​തി​യി​ൽ ഉ​ൾ​പ്പെ​ടു​ത്തി 13.759 കോ​ടി​യു​ടെ ന​വീ​ക​ര​ണ പ്ര​വൃ​ത്തി​ക​ളാ​ണ് അ​ങ്ങാ​ടി​പ്പു​റം റെ​യി​ൽ​വേ സ്റ്റേ​ഷ​നി​ൽ ന​ട​ക്കു​ന്ന​ത്. റെ​യി​ൽ​വേ സ്റ്റേ​ഷ​ൻ വി​പു​ലീ​ക​ര​ണം, സ്റ്റേ​ഷ​ന​ടു​ത്ത് വി​ശാ​ല​മാ​യ പാ​ർ​ക്കിം​ഗ് ഏ​രി​യ, പ്ലാ​റ്റ് ഫോം ​ന​വീ​ക​ര​ണം,
അ​ങ്ങാ​ടി​പ്പു​റം ഭാ​ഗ​ത്ത് നി​ന്നു​ള്ള വി​പു​ല​മാ​യ അ​പ്രോ​ച്ച് റോ​ഡ്, സ്റ്റേ​ഷ​ൻ വൈ​ദ്യു​തീ​ക​ര​ണ​വും സി​ഗ്ന​ൽ സം​വി​ധാ​ന​വു​മെ​ല്ലാം പൂ​ർ​ത്തി​യാ​ക്കി​യി​ട്ടു​ണ്ട്.

അ​തേ​സ​മ​യം എ​ഫ്സി​ഐ റോ​ഡി​ന്‍റെ ശോ​ച്യാ​വ​സ്ഥ​യ്ക്ക് പ​രി​ഹാ​ര​മാ​യി​ട്ടി​ല്ല. സ്റ്റേ​ഷ​നി​ൽ എ​ത്തു​ന്ന 90 ശ​ത​മാ​നം യാ​ത്ര​ക്കാ​രും ഈ ​റോ​ഡി​ലൂ​ടെ​യാ​ണ് എ​ത്തി​പ്പെ​ടു​ന്ന​ത്.

വാ​ഹ​ന​ങ്ങ​ളി​ൽ പെ​രി​ന്ത​ൽ​മ​ണ്ണ ഭാ​ഗ​ത്ത് നി​ന്നുവ​രു​ന്ന യാ​ത്ര​ക്കാ​ർ അ​ങ്ങാ​ടി​പ്പു​റം മേ​ൽ​പ്പാ​ലം ക​ട​ന്ന് ത​ര​ക​ൻ ഹ​യ​ർ​സെ​ക്ക​ൻ​ഡ​റി സ്കൂ​ളി​ന്‍റെ അ​രി​കി​ലൂ​ടെ​യു​ള്ള റോ​ഡ് വ​ഴി വേ​ണം സ്റ്റേ​ഷ​നി​ലെ​ത്താ​ൻ. മേ​ൽ​പാ​ല​ത്തി​ൽ ഗ​താ​ഗ​ത കു​രു​ക്ക് അ​നു​ഭ​വ​പ്പെ​ടു​ക​യാ​ണെ​ങ്കി​ൽ യ​ഥാ​സ​മ​യ​ത്ത് സ്റ്റേ​ഷ​നി​ൽ എ​ത്താ​ൻ ക​ഴി​യാ​തെ​വ​രും.

ഈ ​അ​വ​സ്ഥ​യി​ൽ പു​തി​യ സം​വി​ധാ​ന​ങ്ങ​ളും ഗു​ഡ്ഷെ​ഡ് റോ​ഡ് (എ​ഫ്സി​ഐ റോ​ഡ് ) ഉ​ൾ​പ്പെ​ടെ പ്ര​തീ​ക്ഷ​യോ​ടെ​യാ​ണ് യാ​ത്ര​ക്കാ​ർ കാ​ണു​ന്ന​ത്.