തെങ്കര: തെങ്കര ഗ്രാമപഞ്ചായത്തിലെ വികസന മുരടിപ്പിനെതിരേ കുറ്റവിചാരണ സദസുമായി യുഡിഎഫ്.
കഴിഞ്ഞ പത്തുവര്ഷം തെങ്കര പഞ്ചായത്തിന്റെ ഭരണത്തിലുള്ള കമ്യൂണിസ്റ്റ് പാര്ട്ടിയുടെ ഭരണസമിതി പൂർണ്ണ പരാജയമാണ്. കഴിഞ്ഞ അഞ്ചു വര്ഷത്തിനുള്ളില് അഞ്ചു കോടി രൂപയുടെ എൽഎസ്ജിഡിയുടെ റോഡ് നിര്മാണ പ്രോജക്ടുകള് നഷ്ടപ്പെടുത്തിയെന്നു നേതാക്കൾ കുറ്റപ്പെടുത്തി.
അതിദരിദ്രരുടെ ലിസറ്റില് ഉള്പ്പെട്ട വീടില്ലാത്ത 40 കുടുംബങ്ങളിൽ പലകാരണം പറഞ്ഞ് 26 പേരെയും ഒഴിവാക്കി. 14 പേര്ക്ക് വീടുനല്കി എന്ന് എൽഡിഎഫ് വികസനസദസില് പ്രഖ്യാപിച്ചു. എന്നാല് വാസ്തവത്തില് ഒരാള്ക്ക് പോലും വീട് നല്കിയിട്ടില്ലെന്നും നേതാക്കൾ ആരോപിച്ചു. പഞ്ചായത്തിലെ ഗ്രാമീണ റോഡുകള് എല്ലാം തകര്ന്ന അവസ്ഥയിലാണ്.
ജലജീവന് മിഷന് കുടിവെള്ള പദ്ധതിയിലുള്ള റോഡുകളെല്ലാം പൊളിച്ച് എല്ലാ വീടുകളിലും ടാപ്പും മീറ്ററും സ്ഥാപിച്ചു. എന്നാല് സപ്ലെ ചെയ്യുന്നതിന് ആവശ്യമായ കുടിവെള്ള ടാങ്ക് നിര്മിച്ചിട്ടില്ല. മാത്രമല്ല അതിനായുള്ള സ്ഥലം ഏറ്റെടുക്കുക പോലും ചെയ്തിട്ടില്ലെന്നും കുറ്റപ്പെടുത്തി.
ജില്ലാ കോണ്ഗ്രസ് ജനറല് സെക്രട്ടറി പി. അഹമ്മദ് അഷ്റഫ് ഉദ്ഘാടനം ചെയ്തു. യുഡിഎഫ് തെങ്കര പഞ്ചായത്ത് കമ്മിറ്റി ചെയര്മാന് ആറ്റക്കര ഹരിദാസ് അധ്യക്ഷത വഹിച്ചു.
മുസ്ലീംലീഗ് ജില്ലാ സെക്രട്ടറി ടി.എ. സലാം മുഖ്യപ്രഭാഷണം നടത്തി.
ഡിസിസി മെംബര് വി.വി. ഷൗക്കത്തലി, യുഡിഎഫ് കണ്വീനര് ടി.കെ. ഫൈസല്, ആരോഗ്യ വിദ്യഭ്യാസ സ്റ്റാന്ഡിംഗ് കമ്മിറ്റി ചെയര്മാന് കെ.പി. ജഹീഫ്, സി.പി. മുഹമ്മദ് അലി, അബ്ദുള് റഷീദ്, ടി.കെ. സീനത്ത്, രാജിമോള്, കുരിക്കള് സെയ്ത്, ഷമീര് പഴേരി, ഗിരീഷ് ഗുപ്ത, ഷമീര്, മജീദ് തെങ്കര, വട്ടോടി വേണുഗോപാല്,നൗഷാദ് ചേലഞ്ചേരി, സൈനുദ്ദീന്, ഹാരിസ് തത്തേങ്ങലം, ടി.കെ. ഹംസക്കുട്ടി, ശിവദാസന്, ഉമ്മര് തൈക്കാടന്, അനിലകുമാര് കോല്പ്പാടം, ഹാരിസ് തുടങ്ങിയവര് പ്രസംഗിച്ചു.
Tags : slowdown nattuvisesham local news