ന്യൂഡൽഹി: ഇന്ത്യൻ വ്യോമസേനയുടെ ഡെപ്യൂട്ടി ചീഫ് ഓഫ് എയർ സ്റ്റാഫായി (ഡിസിഎഎസ്) എയർ മാർഷൽ തേജീന്ദർ സിംഗ് ചുമതലയേറ്റു. ഇന്നലെ ഡൽഹിയിലെ വ്യോമസേനാ ആസ്ഥാനത്ത് നടന്ന ചടങ്ങിനുശേഷം ദേശീയ യുദ്ധസ്മാരകത്തിലെത്തിയ അദ്ദേഹം, വീരമൃത്യു വരിച്ച സൈനികർക്ക് പുഷ്പചക്രം അർപ്പിച്ചു.
നാഷണൽ ഡിഫൻസ് അക്കാദമിയിലെ പൂർവവിദ്യാർഥിയായ തേജീന്ദർ സിംഗ് 1987ലാണ് വ്യോമസേനയുടെ ഭാഗമാകുന്നത്. പുതിയ നിയമനത്തിന് മുന്പ് മേഘാലയയിലെ ഷില്ലോങ്ങിൽ വ്യോമസേനയുടെ എച്ച്ക്യു ഈസ്റ്റേണ്‍ എയർ കമാൻഡിന്‍റെ സീനിയർ എയർ സ്റ്റാഫ് ഓഫീസറായിരുന്നു. 2007ൽ വായുസേനാ മെഡലും 2022ൽ അതിവിശിഷ്ട സേവാ മെഡലും നൽകി രാജ്യം തേജീന്ദർ സിംഗിനെ ആദരിച്ചിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.