ന്യൂ​ഡ​ൽ​ഹി: പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യെ ല​ക്ഷ്യ​മി​ട്ട് “പ​പ്പു’’ എ​ന്നാ​ക്ഷേ​പി​ച്ച് ജി​ല്ലാ ക​ള​ക്‌​ട​റു​ടെ ഔ​ദ്യോ​ഗി​ക എ​ക്സ് ഹാ​ൻ​ഡി​ലി​ൽ പോ​സ്റ്റി​ട്ട യു​പി​യി​ലെ നോ​യി​ഡ​യി​ലു​ള്ള ഗൗ​തം ബു​ദ്ധ ന​ഗ​ർ ജി​ല്ലാ ക​ള​ക്‌​ട​ർ മ​നീ​ഷ് വ​ർ​മ​യു​ടെ ന​ട​പ​ടി വി​വാ​ദ​മാ​യി.

ഭ​ര​ണ​ഘ​ട​നാ​സ്ഥാ​പ​ന​മാ​യ പാർലമെന്‍റിലെ പ്ര​തി​പ​ക്ഷ നേ​താ​വി​നെതിരേ ജി​ല്ലാ മ​ജി​സ്ട്രേ​റ്റു​കൂ​ടി​യാ​യ ഐ​എ​എ​സ് ഉ​ദ്യോ​ഗ​സ്ഥ​ൻ അ​നു​ചി​ത​മാ​യ മോ​ശം പ​രാ​മ​ർ​ശം ന​ട​ത്തി​യ​തി​നെ​തി​രേ ക​ർ​ശ​ന ന​ട​പ​ടി വേ​ണ​മെ​ന്നു കോ​ണ്‍ഗ്ര​സ് ആ​വ​ശ്യ​പ്പെ​ട്ടു.

രാ​ജ്യ​ത്തെ ബ്യൂ​റോ​ക്രാ​റ്റു​ക​ൾ​ക്കി​ട​യി​ൽ വ​ള​രു​ന്ന രാ​ഷ്‌​ട്രീ​യ​വ​ത്ക​ര​ണ​ത്തി​ന്‍റെ ഉ​ദാ​ഹ​ര​ണ​മാ​ണു ജി​ല്ലാ ക​ള​ക്‌​ട​റു​ടെ ഔ​ദ്യോ​ഗി​ക സ​മൂ​ഹ​മാ​ധ്യ​മ​ത്തി​ലൂ​ടെ പ്ര​തി​പ​ക്ഷ നേ​താ​വി​നെ​തി​രേ​യു​ള്ള ആ​ക്ഷേ​പ​മെ​ന്ന് എ​ഐ​സി​സി ജ​ന​റ​ൽ സെ​ക്ര​ട്ട​റി ജ​യ്റാം ര​മേ​ശ് പ​റ​ഞ്ഞു.

ഇ​തൊ​രു പു​തി​യ സം​ഭ​വ​മ​ല്ല. ഇ​ന്ത്യ​യു​ടെ സ്റ്റീ​ൽ ച​ട്ട​മെ​ന്ന് സ​ർ​ദാ​ർ പ​ട്ടേ​ൽ വി​ശേ​ഷി​പ്പി​ച്ച സി​വി​ൽ സ​ർ​വീ​സി​ന്‍റെ അ​ന്ത​സ് കെ​ടു​ത്തു​ന്ന ന​ട​പ​ടി​ക​ളാ​ണു ക​ഴി​ഞ്ഞ പ​ത്തു വ​ർ​ഷ​മാ​യി കേ​ന്ദ്ര​സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ണ്ടാ​കു​ന്ന​ത്. ക​ള​ക്‌​ട​ർ​ക്കെ​തി​രേ കോ​ണ്‍ഗ്ര​സ് നി​യ​മ​ന​ട​പ​ടി സ്വീ​ക​രി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.


അ​തേ​സ​മ​യം, ജി​ല്ലാ മ​ജി​സ്ട്രേ​റ്റി​ന്‍റെ ഔ​ദ്യോ​ഗി​ക എ​ക്സ് ഹാ​ൻ​ഡി​ൽ സാ​മൂ​ഹ്യ​വി​രു​ദ്ധ​ർ ദു​രു​പ​യോ​ഗം ചെ​യ്ത​താ​ണെ​ന്ന് ക​ള​ക്‌​ട​ർ മ​നീ​ഷ് ന്യായീകരിച്ചു.

ത​ന്‍റെ ഐ​ഡി ദു​രു​പ​യോ​ഗം ചെ​യ്യു​ക​യും തെ​റ്റാ​യ അ​ഭി​പ്രാ​യം പോ​സ്റ്റ് ചെ​യ്യു​ക​യും ചെ​യ്ത​തി​നെ ഗൗ​ര​വ​മാ​യി എ​ടു​ത്തി​ട്ടു​ണ്ട്. ഉ​ട​ൻ​ത​ന്നെ എ​ഫ്ഐ​ആ​ർ ര​ജി​സ്റ്റ​ർ ചെ​യ്തി​ട്ടു​ണ്ടെ​ന്നും തെ​റ്റാ​യ ട്വീ​റ്റി​നെ​ക്കു​റി​ച്ച് സൈ​ബ​ർ സെ​ൽ അ​ന്വേ​ഷി​ക്കു​ന്നു​ണ്ടെ​ന്നും ക​ള​ക്‌​ട​ർ അ​റി​യി​ച്ചു. എ​ഫ്ഐ​ആ​റി​ന്‍റെ പ​ക​ർ​പ്പും കളക്‌ടർ എ​ക്സി​ൽ പോ​സ്റ്റ് ചെ​യ്തു.