ന്യൂ​ഡ​ൽ​ഹി: പ്ര​ധാ​ന​മ​ന്ത്രി​യു​ടെ ഡ​ൽ​ഹി​യി​ലെ ഔ​ദ്യോ​ഗി​ക വ​സ​തി​യി​ൽ ന​രേ​ന്ദ്ര മോ​ദി പു​തി​യ പ​ശു​ക്കി​ടാ​വു​മൊ​ത്ത് ക​ളി​ച്ചു​ര​സി​ക്കു​ന്ന പു​തി​യ വീ​ഡി​യോ വൈ​റ​ലാ​യി.

പ്ര​ധാ​ന​മ​ന്ത്രി​യു​ടെ ലോ​ക് ക​ല്യാ​ണ്‍ മാ​ർ​ഗി​ലെ ഏ​ഴാം​ന​ന്പ​ർ വ​സ​തി​യി​ൽ വ​ള​ർ​ത്തു​ന്ന പ​ശു​വി​നു​ണ്ടാ​യ കു​ട്ടി​യു​മാ​യി വീ​ടി​നു​ള്ളി​ല​ട​ക്കം മോ​ദി സ​മ​യം ചെ​ല​വി​ടു​ന്ന വീ​ഡി​യോ​യും ചി​ത്ര​ങ്ങ​ളും അ​ദ്ദേ​ഹംത​ന്നെ​യാ​ണ് എ​ക്സി​ൽ പ​ങ്കു​വ​ച്ച​ത്.

നെ​റ്റി​യി​ൽ പ്ര​കാ​ശ​ത്തി​ന്‍റെ അ​ട​യാ​ള​മു​ള്ള പ​ശു​ക്കി​ടാ​വി​ന് “ദീ​പ്ജ്യോ​തി’’ എ​ന്നാ​ണു പേ​രി​ട്ടി​രി​ക്കു​ന്ന​തെ​ന്ന് പ്ര​ധാ​ന​മ​ന്ത്രി അ​റി​യി​ച്ചു. ഗോ​ക്ക​ൾ സ​ർ​വ​സു​ഖം പ്ര​ദാ​നം ചെ​യ്യു​ന്നു (ഗാ​വ് സ​ർ​വ​സു​ഖ് പ്ര​ദാ) എ​ന്നു ന​മ്മു​ടെ ഗ്ര​ന്ഥ​ങ്ങ​ളി​ൽ പ​റ​യു​ന്നു​വെ​ന്നും മോ​ദി എ​ഴു​തി.

“ലോ​ക് ക​ല്യാ​ണ്‍ മാ​ർ​ഗി​ലെ പ്ര​ധാ​ന​മ​ന്ത്രി​യു​ടെ വ​സ​തി​യി​ൽ ഒ​രു പു​തി​യ അം​ഗം ശു​ഭ​ക​ര​മാ​യി എ​ത്തി​യി​രി​ക്കു​ന്നു. പ്ര​ധാ​ന​മ​ന്ത്രി​യു​ടെ വ​സ​തി​യി​ൽ, പ്രി​യ​പ്പെ​ട്ട ഗോ​മാ​താ​വ് ഒ​രു പു​തി​യ പ​ശു​ക്കു​ട്ടി​യെ പ്ര​സ​വി​ച്ചു. അ​തി​ന്‍റെ നെ​റ്റി​യി​ൽ ഒ​രു പ്ര​കാ​ശ​ത്തി​ന്‍റെ അ​ട​യാ​ള​മു​ണ്ട്. അ​തി​നാ​ൽ, ഞാ​ൻ അ​തി​ന് ദീ​പ് ജ്യോ​തി എ​ന്നു പേ​രി​ട്ടു -എ​ക്സി​ൽ ഹി​ന്ദി​യി​ൽ എ​ഴു​തി​യ കു​റി​പ്പി​ൽ മോ​ദി പ​റ​ഞ്ഞു.


പ​ശു​ക്കി​ടാ​വു​മൊ​ത്ത് പ്ര​ധാ​ന​മ​ന്ത്രി വ​സ​തി​യി​ലെ ക്ഷേ​ത്ര​ത്തി​ലി​രി​ക്കു​ന്ന​തും വീ​ടി​നു​ള്ളി​ലേ​ക്കും പു​റ​ത്തെ പൂ​ന്തോ​ട്ട​ത്തി​ലേ​ക്കും മോദി കിടാവിനെ എടുത്തുകൊ​ണ്ടു​പോ​കു​ന്ന​തും കാ​ണാം. പൂ​ജാ​മു​റി​യി​ൽവ​ച്ച് പ​ശു​ക്കി​ടാ​വി​നെ മാ​ല​യും പു​ട​വ​യും അ​ണി​യി​ക്കു​ന്നു​മു​ണ്ട്. “ലോ​ക് ക​ല്യാ​ണ്‍ മാ​ർ​ഗി​ലെ ഏ​ഴി​ൽ പു​തി​യ അം​ഗം! ദീ​പ്ജ്യോ​തി ശ​രി​ക്കും ആ​രാ​ധ്യ​യാ​ണ്’’- മ​റ്റൊ​രു പോ​സ്റ്റി​ൽ പ്ര​ധാ​ന​മ​ന്ത്രി പ​റ​ഞ്ഞു.

ഹ​രി​യാ​ന, മ​ഹാ​രാ​ഷ്‌​ട്ര നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ അ​ട​ക്കം ഹൈ​ന്ദ​വ വോ​ട്ട​ർ​മാ​രെ സ്വാ​ധീ​നി​ക്കാ​ൻ ക​ഴി​യു​ന്ന​താ​ണ് പ്ര​ധാ​ന​മ​ന്ത്രി​യു​ടെ പ​ശു​ക്കി​ടാ​വു​മൊ​ത്തു​ള്ള വീ​ഡി​യോ​യെ​ന്ന് ഒ​രു ബി​ജെ​പി പ്ര​വ​ർ​ത്ത​ക​ൻ പ​റ​ഞ്ഞു.