നേരത്തേ സമരം തീർക്കാനുള്ള നിർണായക നീക്കമെന്ന നിലയിൽ മുഖ്യമന്ത്രി ഇന്നലെ പ്രതിഷേധക്കാരെ സന്ദർശിച്ചിരുന്നു. കഴിഞ്ഞ ചൊവ്വാഴ്ച മുതൽ പശ്ചിമ ബംഗാൾ ആരോഗ്യ വകുപ്പിന്‍റെ ആസ്ഥാനമായ സ്വാസ്ഥ്യ ഭവന് മുന്പിൽ ഡോക്ടർമാർ പ്രതിഷേധിക്കുകയായിരുന്നു.
സർക്കാർ പലതവണ ചർച്ചയ്ക്ക് വിളിച്ചിരുന്നെങ്കിലും ഡോക്ടർമാർ വഴങ്ങിയിരുന്നില്ല. ഇതിനിടെയാണ് ഇന്നലെ നാടകീയമായി മുഖ്യമന്ത്രി സമരപ്പന്തലിലെത്തിയത്.
മുഖ്യമന്ത്രിയായിട്ടല്ല, ദീദിയായിട്ടാണ് താൻ വന്നിരിക്കുന്നതെന്ന് മമതാ ബാനർജി പറഞ്ഞു. “എനിക്ക് നിങ്ങൾ അനുഭവിക്കുന്ന വിഷമങ്ങൾ മനസിലാകും. ഞാനും എന്‍റെ ജീവിതത്തിൽ ഒരുപാട് അനുഭവിച്ചയാളാണ്.
എന്‍റെ സ്ഥാനത്തിൽ ഞാൻ ആശങ്കപ്പെടുന്നില്ല. രാത്രി മഴ നനഞ്ഞും നിങ്ങൾ ഇവിടെ പ്രതിഷേധമിരിക്കുകയാണ്. കഴിഞ്ഞ രാത്രികളിൽ എനിക്ക് ഉറങ്ങാൻ കഴിഞ്ഞിരുന്നില്ല”-സമരക്കാരോടു മുഖ്യമന്ത്രി പറഞ്ഞിരുന്നു.