നേപ്പാൾ മുൻ പ്രധാനമന്ത്രി മാധവ് കുമാർ, മുൻ ഉപപ്രധാനമന്ത്രി ഈശ്വർ പൊഖ്രിയാൽ, ടൂറിസം മന്ത്രി ബദ്രി പ്രസാദ് പാൻഡെ, ചൈനീസ് അംബാസിഡർ ക്സൂ ഫീഹോങ്, റഷ്യൻ അംബാസിഡർ ഡെനിസ് അലിപൊവ്, സിറിയൻ അംബാസഡർ ബസം അൽ ഖത്തിഫ്, വിയറ്റ്നാം അംബാസഡർ എൻഗുയെന്ഡ തൻഹ് ഹെയ്, പലസ്തീൻ അബാംസിഡർ അദ്നാൻ അബു അൽഹൈജ, ക്യൂബൻ അംബാസഡർ ഇൻ ചാർജ് അബേൽ തുടങ്ങി നിരവധി വിദേശരാജ്യ പ്രതിനിധികളും എകെജി ഭവനിലെത്തി ഇന്ത്യയിലെ പ്രമുഖ കമ്യൂണിസ്റ്റ് നേതാവിന് അന്ത്യോപചാരം അർപ്പിച്ചു.
ഫരീദാബാദ് ആർച്ച്ബിഷപ് മാർ കുര്യാക്കോസ് ഭരണികുളങ്ങര, വൈദികർ, ദീപികയ്ക്കുവേണ്ടി നാഷണൽ അഫയേഴ്സ് എഡിറ്റർ ജോർജ് കള്ളിവയലിൽ, വിവിധ സമുദായ- സാമൂഹ്യ സംഘടനാ നേതാക്കൾ എന്നിവരും എകെജി ഭവനിലെത്തി അന്ത്യാഞ്ജലിയർപ്പിച്ചു.
ഇന്നലെ വൈകുന്നേരം 4.45 ഓടെയാണ് എയിംസ് അധികൃതർ മൃതദേഹം ഏറ്റുവാങ്ങിയത്. യെച്ചൂരിയുടെ വസതിയില്‍നിന്ന് രാവിലെ 10.15 ഓടെയാണ് മൃതദേഹം പാര്‍ട്ടി ആസ്ഥാനമായ എകെജി ഭവനില്‍ എത്തിച്ചത്.
പ്രകാശ് കാരാട്ട്, പിണറായി വിജയന്‍, എം.വി. ഗോവിന്ദന്‍, എം.എ. ബേബി തുടങ്ങിയവര്‍ മൃതദേഹം ഏറ്റുവാങ്ങി.