എന്നാൽ അഞ്ച് മാസത്തിനുശേഷവും സ്യൂട്ട് ഹർജി ഭരണഘടനാ ബെഞ്ചിനു മുന്പിൽ ലിസ്റ്റ് ചെയ്യുന്നതിനുള്ള നടപടി സ്വീകരിച്ചിട്ടില്ല. അതേസമയം, ഭരണഘടനാ ബെഞ്ചിനു വിട്ട ഹർജിയായതിനാൽ ഇതു ലിസ്റ്റ് ചെയ്യുന്നതുമായി ബന്ധപ്പെട്ട വിഷയത്തിൽ ചീഫ് ജസ്റ്റീസാണ് അന്തിമ തീരുമാനമെടുക്കേണ്ടതെന്നായിരുന്നു സുപ്രീംകോടതി രജിസ്ട്രി നൽകിയ വിശദീകരണം. ഇതിനു പിന്നാലെയാണ് ഹർജി അടിയന്തരമായി പരിഗണിക്കണമെന്ന് ചീഫ് ജസ്റ്റീസ് അധ്യക്ഷനായ ബെഞ്ച് മുന്പാകെ ആവശ്യപ്പെട്ടത്.