ധ്യാനം (മെഡിറ്റേഷൻ), ജിയു-ജിറ്റ്സു, ഐക്കിഡോ, സംഘർഷ ലഘൂകരണത്തിനുള്ള അഹിംസാത്മക വിദ്യകൾ എന്നിവയെ സമന്വയിപ്പിക്കുന്ന ‘ജെന്റിൽ ആർട്ടി’ന്റെ സൗന്ദര്യം യുവമനസുകളെ പരിചയപ്പെടുത്തുക എന്നതായിരുന്നു ലക്ഷ്യം.
അക്രമത്തെ പരിവർത്തനം ചെയ്യുന്നതിന്റെ മൂല്യം ചെറുപ്പക്കാരിൽ വളർത്താനാണു തങ്ങൾ ലക്ഷ്യമിട്ടത്. കൂടുതൽ അനുകന്പയുള്ളതും സുരക്ഷിതവുമായ ഒരു സമൂഹം കെട്ടിപ്പടുക്കുന്നതിനുള്ള ഉപകരണങ്ങൾ യുവാക്കൾക്കു നൽകി. അക്രമത്തെ സൗമ്യതയിലേക്കു പരിണാമം ചെയ്യുന്നതിനു വേണ്ടിയാണിതെന്നും രാഹുൽ ഗാന്ധി വ്യക്തമാക്കി.
2022 സെപ്റ്റംബറിനും 2023 ജനുവരിക്കുമിടയിൽ മണിപ്പുരിൽനിന്നു മുംബൈയിലേക്കു നടത്തിയ ഭാരത് ജോഡോ യാത്ര പൂർത്തിയാക്കി മാസങ്ങൾക്കുശേഷമാണ് രാഹുൽ ഇക്കാര്യം വിശദീകരിച്ചു വീഡിയോ പങ്കുവച്ചത്.
ദേശീയ കായിക ദിനത്തിൽ തങ്ങളുടെ അനുഭവം പങ്കിടാൻ ആഗ്രഹിക്കുന്നു എന്ന അറിയിപ്പോടെയാണു വീഡിയോ ഷെയർ ചെയ്തത്. ‘സൗമ്യമായ കല’ പരിശീലിക്കാൻ ചിലരെയെങ്കിലും ഈ വീഡിയോ പ്രചോദിപ്പിക്കുമെന്നു പ്രതീക്ഷിക്കുന്നുവെന്നും രാഹുൽ പറഞ്ഞു.