മലക്കംമറിഞ്ഞ് മമത സമരം ചെയ്യുന്ന മെഡിക്കൽ വിദ്യാർഥികളെ ഭീഷണിപ്പെടുത്തിയിട്ടില്ലെന്നു ബംഗാൾ മുഖ്യമന്ത്രി മമത ബാനർജി. താൻ ബിജെപിക്കെതിരേയാണ് സംസാരിച്ചതെന്നും മമത പറഞ്ഞു. മെഡിക്കൽ വിദ്യാർഥികളെക്കുറിച്ചോ സമരത്തെക്കുറിച്ചോ തെറ്റായ ഒരു വാക്കുപോലും പറഞ്ഞിട്ടില്ല.
സമരം ന്യായമാണ്. പൂർണ പിന്തുണയാണുള്ളത്. എനിക്കെതിരേ ചില കേന്ദ്രങ്ങൾ ആരോപിക്കുന്നതുപോലെ വിദ്യാർഥികളെ ഭീഷണിപ്പെടുത്തിയിട്ടില്ല. ആരോപണം തീർത്തും തെറ്റാണ്- അവർ പറഞ്ഞു.
ബുധനാഴ്ച തൃണമൂൽ റാലിയിൽ മമത നടത്തിയ പ്രസ്താവനയാണുവിവാദമായത്. സമരം നടത്തുന്ന ഡോക്ടർമാർ ജോലിയിൽ തിരികെ പ്രവേശിക്കുന്നത് അടിയന്തരമായി ആലോചിക്കണമെന്നും അവരുടെ ഭാവിയെക്കരുതി കേസെടുക്കാൻ താൻ താത്പര്യപ്പെടുന്നില്ലെന്നുമാണു മമത പറഞ്ഞത്.