അർജുന്റെ ലോറി, നേരത്തേ പുഴയിൽനിന്നു വീണ്ടെടുത്ത ഗ്യാസ് ടാങ്കറിന്റെ കാബിൻ, പുഴയിലേക്കു പതിച്ച ഹൈടെൻഷൻ വൈദ്യുതിത്തൂൺ, റോഡിന്റെ സുരക്ഷാവേലി എന്നിവയാണിവ. ഇതിൽ ഏറ്റവും ആഴത്തിലുള്ള മൂന്നാമത്തെ സ്ഥാനത്താണു ട്രക്കിന്റെ സ്ഥാനം നിർണയിച്ചിട്ടുള്ളത്.
നേരത്തേ പുഴയിൽനിന്നു ലഭിച്ച, തിരിച്ചറിയാനാകാതിരുന്ന മൃതദേഹ ഭാഗം ദുരന്തത്തിൽ കാണാതായ തമിഴ്നാട് സ്വദേശിയായ ഡ്രൈവർ ശരവണ(39)ന്റേതാണെന്ന് ഇന്നലെ ഡിഎൻഎ പരിശോധനയിലൂടെ തിരിച്ചറിഞ്ഞു. ഇതോടെ ദുരന്തത്തിൽ മരിച്ചതായി സ്ഥിരീകരിച്ചവരുടെ എണ്ണം ഒമ്പതായി. അർജുനെയും പ്രദേശവാസികളായ രണ്ടു പേരെയുമാണ് ഇനി കണ്ടെത്താനുള്ളത്.