ഫോറൻസിക് റിപ്പോർട്ടിൽ ദർശന്‍റെ വസ്ത്രത്തിൽനിന്നു രേണുകസ്വാമിയുടെ രക്തക്കറ കണ്ടെടുത്തിരുന്നു. ദർശനെയും കൂട്ടാളി പവിത്ര ഗൗഡയെയും കൂടാതെ 15 പേർകൂടി കേസിൽ പ്രതികളായുണ്ട്. ഇവരെല്ലാം വിവിധ ജയിലുകളിൽ ജുഡീഷൽ കസ്റ്റഡിയിലാണ്.
ദർശന്‍റെ ആരാധകനായ 33 കാരനായ രേണുകസ്വാമി പവിത്രയ്ക്ക് അശ്ലീല ചിത്രങ്ങൾ അയച്ചതിലുള്ള പ്രതികാരമാണ് കൊലപാതകമെന്നാണു കുറ്റപത്രത്തിലുള്ളത്. ജൂൺ ഒന്പതിന് സുമനഹള്ളിയിലെ അപാർട്ട്മെന്‍റിനു സമീപത്തെ അഴുക്കുചാലിൽനിന്നാണു രേണുകസ്വാമിയുടെ മൃതദേഹം കണ്ടെത്തുന്നത്.