വിദേശരാജ്യങ്ങളിൽ ജോലി ചെയ്യുന്ന മലയാളികളായ പ്രവാസികളുടെ പ്രശ്നങ്ങളും ആവശ്യങ്ങളും വിദേശകാര്യ മന്ത്രാലയവുമായി ഏകോപിപ്പിക്കുകയാണു ലക്ഷ്യം. മുന്പ് വേണു രാജാമണിയെ നിയമിച്ചപ്പോൾ ഇത്തരം വിവാദങ്ങൾ ഉണ്ടായതുമില്ല.
വാസുകിയെ വിദേശകാര്യ സെക്രട്ടറിയായി നിയമിച്ചുവെന്നത് വ്യാജ വാർത്തയാണ്. ജനങ്ങളെ തെറ്റിദ്ധരിപ്പിച്ചു രാഷ്ട്രീയ വിവാദം ഉണ്ടാക്കാനുള്ള ബിജെപിയുടെ ശ്രമമാണ് വിവാദത്തിനു പിന്നിലെന്നുമാണ് സംസ്ഥാന സർക്കാരിന്റെ അനൗദ്യോഗിക വിശദീകരണം.
അതേസമയം, വിദേശകാര്യങ്ങളിൽ കേന്ദ്രസർക്കാരിന്റെ അധികാരത്തിനു പകരം വയ്ക്കാമെന്ന് സംസ്ഥാന സർക്കാരിനു ചിന്തിക്കാൻ പോലും കഴിയില്ലെന്ന് ഡോ. ശശി തരൂർ എംപി പറഞ്ഞു. ഭരണഘടനാപരമായി വിദേശബന്ധം കേന്ദ്രസർക്കാരിന്റെ ഉത്തരവാദിത്വമാണെന്നും അദ്ദേഹം ചൂണ്ടിക്കാട്ടി.
ഐഎഎസ് ഉദ്യോഗസ്ഥയെ വിദേശകാര്യ സെക്രട്ടറിയായി മുഖ്യമന്ത്രി പിണറായി വിജയൻ നിയമിച്ചത് ഭരണഘടനാ ലംഘനവും കേന്ദ്രസർക്കാരിന്റെ അധികാരത്തിന്മേലുള്ള നഗ്നമായ കടന്നുകയറ്റവുമാണെന്ന് ബിജെപി സംസ്ഥാന പ്രസിഡന്റ് കെ. സുരേന്ദ്രൻ ആരോപിച്ചു.