കോണ്ഗ്രസ് മുൻ അധ്യക്ഷ സോണിയ ഗാന്ധിക്കും ചന്നിക്കുമെതിരേ മുൻ റെയിൽവെ, ഭക്ഷ്യ സംസ്കരണ വ്യവസായ സഹമന്ത്രിയായ ബിട്ടു നടത്തിയ വ്യക്തിപരമായ പരാമർശങ്ങൾ കോണ്ഗ്രസുകാരെയും രോഷാകുലരാക്കി. ഉച്ചയ്ക്ക് ഒന്നരയ്ക്കുണ്ടായ ബഹളം നിയന്ത്രിക്കാനാകാതെ അധ്യക്ഷവേദിയിലുണ്ടായിരുന്ന സന്ധ്യ റേ സഭാനടപടികൾ രണ്ടുവരെ നിർത്തിവച്ചു.
ബഹളം നിയന്ത്രിക്കാനാകാതെ പിന്നീട് മൂന്നുവരെ വീണ്ടും ലോകസഭാ നടപടികൾ നിർത്തിവച്ചു. പിന്നീട് കക്ഷിനേതാക്കൾ നടത്തിയ ചർച്ചയെത്തുടർന്ന് പുനരാരംഭിച്ച സഭാനടപടികൾ രാത്രി എട്ടുവരെ നീണ്ടു.
രാജ്യസഭയിലും ഉച്ചകഴിഞ്ഞ് ഭരണ- പ്രതിപക്ഷ എംപിമാർ പരസ്പരം വാക്പോര് നടത്തിയതോടെ ഉച്ചകഴിഞ്ഞ് മൂന്നുവരെ സഭാനടപടികൾ നിർത്തിവയ് ക്കേണ്ടിവന്നു. ബജറ്റിനെതിരേ പ്രതിപക്ഷം നടത്തിയ പരാമർശങ്ങളാണു ബഹളത്തിനിടയാക്കിയത്.