കാർഗിൽ യുദ്ധത്തിൽ പങ്കെടുക്കുകയും പാക് ഷെല്ലാക്രമണത്തിൽ ധീരജവാൻ വീരമൃത്യു വരിക്കുകയും ചെയ്തു. അബ്ദുൾ നാസറിന്‍റെ ഓർമകൾ ഇന്നും നാടിന്‍റെ അഭിമാനമായി ഉയരുന്നു.
അദ്ദേഹം പഠിച്ച വിദ്യാലയത്തിലും പ്രദേശത്തെ സാംസ്കാരിക ക്ലബ്ബുകളിലുമെല്ലാം എല്ലാ കാർഗിൽ വിജയദിനങ്ങളിലും അബ്ദുൾ നാസറിന്‍റെ ഓർമ പുതുക്കുന്ന അനുസ്‍മരണ പരിപാടികൾ സംഘടിപ്പിച്ചു വരുന്നുണ്ട്.
കാർഗിൽ യുദ്ധവിജയത്തിന്‍റെ വാർഷികത്തോടനുബന്ധിച്ച് മലപ്പുറം സൈനിക കൂട്ടായ്മ നാസറിന്‍റെ അമ്മ ഫാത്തിമ സുഹ്റയെ കാളികാവിലെ വീട്ടിലെത്തി ആദരിച്ചു.
രാജ്യത്തിനു വേണ്ടി ജീവത്യാഗം ചെയ്ത തന്‍റെ മകനെ ഓർത്ത് കഴിയുന്ന ആ ഉമ്മ തന്നെ കാണാൻ വന്ന മലപ്പുറം സൈനിക കൂട്ടായ്മയിലെ ഓരോ സൈനികനിലൂടെയും തന്‍റെ മകൻ നാസറിനെ കാണുകയായിരുന്നുവെന്നു പറഞ്ഞത് അന്ന് ഏവരെയും നൊമ്പരപ്പെടുത്തി.
തന്‍റെ മകന്‍റെ സ്മരണ നിലനിർത്താനായി വീടിന്‍റെ ഒരുഭാഗം അബ്ദുൾ നാസർ സൈനികസേവനത്തിനായി ഉപയോഗിച്ച യൂണിഫോം അടക്കമുള്ള വസ്തുക്കളും ഫോട്ടോകളുംകൊണ്ട് ഒരുക്കിയിരിക്കുകയാണ് ഉമ്മ. രണ്ടു വർഷം മുമ്പ് തുറന്നു പ്രവർത്തനമാരംഭിച്ച മലപ്പുറം സൈനിക കൂട്ടായ്മയുടെ ഓഫീസ് ഉദ്ഘാടനം ചെയ്തത് ഫാത്തിമ സുഹ്റയായിരുന്നു.