തൊഴിലില്ലായ്മയാണ് ഏറ്റവും വലിയ വെല്ലുവിളി. രാജ്യത്ത് തൊഴിലില്ലായ്മ നിരക്ക് 9.2 ശതമാനമായി കൂടി. സ്വകാര്യമേഖലയിലെ തൊഴിലിനുപോലും ലക്ഷക്കണക്കിനു യുവാക്കളാണ് അപേക്ഷിക്കുന്നത്. യുപി പോലീസിലെ 60,244 ഒഴിവുകൾക്കായി നടത്തിയ പരീക്ഷയ്ക്ക് 48 ലക്ഷം പേരാണ് അപേക്ഷിച്ചത്. ദിവസങ്ങൾക്കു ശേഷം ആ പരീക്ഷ റദ്ദാക്കി.
എയർ ഇന്ത്യയിലെ 2,216 ഒഴിവുകൾക്കായി 25,000 പേർ മുംബൈ വിമാനത്താവളത്തിൽ തടിച്ചുകൂടി. കാൽ ലക്ഷം പേർ 22,000 രൂപ വീതമാണ് ഇതിനായി അടച്ചത്. എന്നിട്ടും ഇന്ത്യയിൽ തൊഴിൽ പ്രതിസന്ധിയില്ലെന്ന് റിസർവ് ബാങ്ക് അവകാശപ്പെട്ടുവെന്ന് ചിദംബരം ചൂണ്ടിക്കാട്ടി.
കോണ്ഗ്രസിന്റെ പ്രകടനപത്രിക വായിക്കാൻ ധനമന്ത്രിക്ക് അവസരം ലഭിച്ചതിൽ പ്രത്യേക സന്തോഷമുണ്ട്. കോണ്ഗ്രസ് പ്രകടനപത്രിക വായിക്കാൻ ഭരണപക്ഷത്തെ മറ്റുള്ളവരോടും അഭ്യർഥിക്കുന്നു.
കോണ്ഗ്രസ് പ്രകടനപത്രികയിൽനിന്നു കൂടുതൽ ആശയങ്ങൾ എടുക്കാൻ പ്രധാനമന്ത്രിയെയും ധനമന്ത്രിയെയും പ്രേരിപ്പിക്കാം. കോപ്പിയടി ഇവിടെ നിരോധിച്ചിട്ടില്ല.
വാസ്തവത്തിൽ, പകർത്തുന്നതു പ്രോത്സാഹിപ്പിക്കപ്പെടുന്നു. പ്രതിഫലം നൽകുകയും ചെയ്യും. ദയവായി കുറച്ചുകൂടി കോപ്പിയടിക്കൂ- കോണ്ഗ്രസ് നേതാവ് പരിഹസിച്ചു.