തെരഞ്ഞെടുപ്പു കഴിഞ്ഞു. ഇനി രാജ്യത്തെക്കുറിച്ചു ചിന്തിക്കണം. കേന്ദ്രബജറ്റ് മോദി സർക്കാരിനെ രക്ഷിച്ചേക്കാമെങ്കിലും രാജ്യത്തെ രക്ഷിക്കില്ല. വസ്തുനിഷ്ഠമായി ഭരണം നടത്തിയില്ലെങ്കിൽ ഒറ്റപ്പെടും.
ബിജെപിയെ തോൽപിച്ചവരോട് ഇനിയും പ്രതികാരബുദ്ധി കാണിക്കരുത്. രാഷ്ട്രീയ ഇഷ്ടങ്ങൾക്കും അനിഷ്ടങ്ങൾക്കും അനുസരിച്ചു ഭരിച്ചാൽ മോദി ഒറ്റപ്പെടും- സ്റ്റാലിൻ ചൂണ്ടിക്കാട്ടി.
പ്രതിപക്ഷ സർക്കാരുകളുള്ള സംസ്ഥാനങ്ങളോട് ബജറ്റിൽ വിവേചനം കാണിച്ചതിനെതിരേ പ്രതിഷേധിക്കാൻ ഇന്ത്യ സഖ്യം നേതാക്കളുടെ യോഗത്തിൽ തീരുമാനിച്ചതിന്റെ തുടർച്ചയാണ് മുഖ്യമന്ത്രിമാരുടെ ബഹിഷ്കരണം.
പാർലമെന്റിലും പുറത്തും സോണിയ ഗാന്ധിയുടെ നേതൃത്വത്തിൽ പ്രതിപക്ഷം ഇന്നലെ ഒറ്റക്കെട്ടായി പ്രതിഷേധിച്ചു. കേരളത്തോടുള്ള അവഗണനയ്ക്കെതിരേ യുഡിഎഫ്, എൽഡിഎഫ് എംപിമാർ സംയുക്തമായി പ്രതിഷേധിച്ചതും ശ്രദ്ധേയമായി.