മനുഷ്യർ പ്രവർത്തിപ്പിക്കുന്ന യന്ത്രസംവിധാനങ്ങൾ കൈകാര്യം ചെയ്യുന്നതിന് നിർമിതബുദ്ധി സംവിധാനങ്ങൾക്കു കഴിയും. ഇതുമൂലം രാജ്യത്ത് തൊഴിലാളികൾക്കു കൂട്ടത്തോടെ തൊഴിൽ നഷ്ടപ്പെടുന്ന സാഹചര്യവുമുണ്ട്. പുതിയ തൊഴിലവസരങ്ങൾക്കുള്ള സാധ്യതയും ഇല്ലാതെയാകും.
ഇത്തരം ആശങ്കകൾ പരിഹരിക്കുന്നതിന് നിർമിത ബുദ്ധിയുടെ പ്രയോഗം സംബന്ധിച്ച് വ്യക്തമായ മാർഗരേഖയും നിയമനിർമാണവും നടത്തേണ്ടത് അനിവാര്യമാണെന്ന് ജോസ് ചൂണ്ടിക്കാട്ടി. നിർമിത ബുദ്ധിയുടെ പ്രയോഗത്തെക്കുറിച്ചു വ്യാപകമായ ബോധവത്കരണ, പരിശീലന പരിപാടികൾ സർക്കാർതലത്തിൽ സംഘടിപ്പിക്കണമെന്നും ജോസ് കെ. മാണി പാർലമെന്റിൽ ആവശ്യപ്പെട്ടു.