കോൽക്കത്ത: ബ്രിട്ടീഷ് പാർലമെന്റ് തിരഞ്ഞെടുപ്പിൽ ചരിത്രവിജയം നേടിയ കോട്ടയം കൈപ്പുഴ സ്വദേശി സോജൻ ജോസഫിനെ കൈപ്പുഴ സ്വദേശി കൂടിയായ ബംഗാൾ ഗവർണർ ഡോ. സി.വി. ആനന്ദബോസ് ഫോണിൽ വിളിച്ച് അഭിനന്ദിച്ചു.
മാന്നാനം കെഇ കോളജ് പൂർവ വിദ്യാർഥികളാണ് ഇരുവരും. ബ്രിട്ടന്റെ ചരിത്രത്തിലെ ആദ്യമലയാളി എംപി എന്ന ചരിത്രനേട്ടത്തിനുടമയായ സോജൻ ജോസഫ് പതിറ്റാണ്ടുകൾ നീണ്ട ജനസേവനത്തിലൂടെ ആർജിച്ച ഈ സ്ഥാനലബ്ധിയിൽ അതിയായ സന്തോഷവും അഭിമാനവുമുണ്ടെന്ന് അനുമോദനസന്ദേശത്തിൽ ആനന്ദബോസ് പറഞ്ഞു. കൂടുതൽ ഉന്നതങ്ങളിലെത്താൻ അദ്ദേഹത്തിന് കഴിയട്ടെ എന്നും അദ്ദേഹം ആശംസിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.