കഴിഞ്ഞ മാസം 27നാണ് മൂന്നു മെയ്തെയ് യുവാക്കളെ തട്ടിക്കൊണ്ടുപോയത്. കുക്കി മേഖലയായ കാങ്പോക്പിയിൽനിന്നാണു മൂവരെയും ബന്ദികളാക്കിയത്.ഇവരിലൊരാളെ കഴിഞ്ഞ വെള്ളിയാഴ്ച കുക്കികൾ മോചിപ്പിച്ചിരുന്നു. കുക്കികളുടെ ആവശ്യപ്രകാരം വിചാരണത്തടവുകാരായ 11 കുക്കികളെ തലസ്ഥാനമായ ഇംഫാലിന്റെ പ്രാന്തപ്രദേശത്തുള്ള സജീവ ജയിലിൽനിന്നു ചുരാചന്ദ്പുർ ജയിലിലേക്കു മാറ്റി.
ബന്ദികളാക്കിയ രണ്ടു യുവാക്കളെ പോലീസിനു കൈമാറുന്നതിനു മുന്പായി 11 പേരെയും ഇന്നലെ പുലർച്ചെ രണ്ടിന് കുക്കി നിയന്ത്രണത്തിലുള്ള സപർമേന പോലീസ് സ്റ്റേഷനിലേക്കു കൈമാറിയെന്ന് പോലീസ് അറിയിച്ചു.