ഡൽഹി മുനിസിപ്പൽ കോർപറേഷന്റെ 18 അംഗ സ്റ്റാൻഡിംഗ് കമ്മിറ്റിയിൽ ഒഴിവു വന്ന സീറ്റിലേക്ക് സെപ്റ്റംബർ 27ന് നടത്തിയ തെരഞ്ഞെടുപ്പിലാണ് ലഫ്.ഗവർണറുടെ ഇടപെടൽ ഉണ്ടായത്. അന്നു ചേർന്ന എംസിഡി യോഗം ബഹളം കാരണം നടക്കാതെ വന്നപ്പോൾ തെരഞ്ഞെടുപ്പ് ഒക്ടോബർ അഞ്ചിലേക്ക് മേയർ മാറ്റിവയ്ക്കുകയായിരുന്നു. എന്നാൽ വിഷയത്തിൽ ഇടപെട്ട ലഫ്.ഗവർണർ തെരഞ്ഞെടുപ്പ് 27ന് തന്നെ നടത്താൻ എംസിഡി കമ്മീഷണർക്കു നിർദേശം നൽകി.
എന്നാൽ, ഇതു ഡൽഹി മുനിസിപ്പൽ കോർപറേഷൻ നിയമത്തിന് എതിരാണെന്നു ചൂണ്ടിക്കാട്ടിയ മേയർ സുപ്രീംകോടതിയെ സമീപിക്കുകയായിരുന്നു. തെരഞ്ഞെടുപ്പിൽനിന്ന് ആം ആദ്മി, കോണ്ഗ്രസ് അംഗങ്ങൾ വിട്ടുനിന്നതോടെ ബിജെപി വിജയിച്ചിരുന്നു.