രാജ്ഘട്ടിലെത്തി പുഷ്പാർച്ചന നടത്തിയ പ്രതിപക്ഷ നേതാവ് രാഹുൽ ഗാന്ധി, സത്യത്തിന്റെയും സ്നേഹത്തിന്റെയും കാരുണ്യത്തിന്റെയും സൗഹാർദത്തിന്റെയും പാതയിലൂടെ എല്ലാവരും ഒന്നിച്ചു സഞ്ചരിക്കണമെന്നു ഗാന്ധിജി പഠിപ്പിച്ചതായി സമൂഹമാധ്യമത്തിൽ കുറിച്ചു. ഗാന്ധിജി ഒരു വ്യക്തിയല്ല, മറിച്ച് ഒരു ജീവിതരീതിയും ചിന്താഗതിയുമാണെന്ന് രാഹുൽ ചൂണ്ടിക്കാട്ടി. ഗാന്ധിജി പകർന്ന ആശയങ്ങൾ നേരിടുന്ന വെല്ലുവിളികളെ ഇന്നു നമ്മൾ നേരിടുകയാണെന്ന് കോണ്ഗ്രസ് അധ്യക്ഷൻ മല്ലികാർജുൻ ഖാർഗെ എക്സിൽ കുറിച്ചു.