എഡിആറിന്റെ അപേക്ഷ അടിസ്ഥാനരഹിതവും തെറ്റായ ആരോപണവുമാണെന്ന് തെരഞ്ഞെടുപ്പ് കമ്മീഷനുവേണ്ടി ഹാജരായ മുതിർന്ന അഭിഭാഷകൻ മനീന്ദർ സിംഗ് വാദിച്ചു. തെരഞ്ഞെടുപ്പ് പ്രക്രിയയ്ക്കിടയിൽ ജുഡീഷറി ഇടപെടരുതെന്ന് ഭരണഘടനയുടെ ആർട്ടിക്കിൾ 329 ഉദ്ധരിച്ച് മനീന്ദർ സിംഗ് പറഞ്ഞു.
അതേസമയം, ഫോം 17 സി വെബ്സൈറിൽ പ്രസിദ്ധീകരിക്കുന്നത് ദുരുപയോഗത്തിനു വഴിതെളിക്കുമെന്ന് തെരഞ്ഞെടുപ്പ് കമ്മീഷൻ സമർപ്പിച്ച എതിർ സത്യവാങ്മൂലത്തിൽ വ്യക്തമാക്കി.
ഇത് വോട്ടർമാർക്കിടയിൽ ആശയക്കുഴപ്പത്തിന് കാരണമാകുമെന്നും കമ്മീഷൻ ചൂണ്ടിക്കാട്ടി. നിലവിലെ ചട്ടങ്ങളനുസരിച്ച് ഫോം 17 സി സ്ഥാനാർഥിയുടെ പോളിംഗ് ഏജന്റിനു മാത്രമാണ് നൽകുന്നത്.