ഉയർന്ന ഇന്ധന വിലയും അവശ്യസാധനങ്ങളുടെ വിലക്കയറ്റവും ബിജെപിക്ക് തിരിച്ചടിയാകും. സാധരണക്കാർ അധികമായി വസിക്കുന്ന മണ്ഡലമാണ് ഈസ്റ്റ് ഡൽഹി. സിറ്റിംഗ് എംപിയും ക്രിക്കറ്റ് താരവുമായ ഗൗതം ഗംഭീർ മണ്ഡലത്തിലേക്ക് തിരിഞ്ഞുനോക്കിയിട്ടില്ല. കോണ്ഗ്രസ് സംസ്ഥാന അധ്യക്ഷനായിരുന്ന അർവീന്ദർ ലൗലിയെയാണ് ഗംഭീർ പരാജയപ്പെടുത്തിയത്. ഇക്കുറി ഗംഭീറിനു സീറ്റ് നൽകാതെ പാർട്ടി ജനറൽ സെക്രട്ടറി ഹർഷ് മൽഹോത്രയാണ് ബിജെപി പരീക്ഷിക്കുന്നത്.
സ്വാതി മലിവാളും വോട്ടും കേജരിവാളിന്റെ തിരിച്ചുവരവ് ബിജെപിക്ക് വൻ ക്ഷീണമാണുണ്ടാക്കിയിരിക്കുന്നത്. ഇതിനെ തിരിച്ചടിക്കാൻ ബിജെപി ഉയർത്തിയ ആരോപണമാണ് സ്വാതി മലിവാളിന്റെ കള്ളപ്രചാരണമെന്ന് ആംആദ്മി പാർട്ടി പറയുന്നു.
2019ൽ ത്രികോണ മത്സരം നടന്നപ്പോൾ മുഴുവൻ സീറ്റിലും ബിജെപിക്കായിരുന്നു വിജയം. ഇക്കുറി കോൺഗ്രസും എഎപിയും സഖ്യത്തിലാണ്. നാലു സീറ്റിൽ എഎപിയും മൂന്നു സീറ്റിൽ കോൺഗ്രസും മത്സരിക്കുന്നു. കോണ്ഗ്രസ് മത്സരിക്കുന്ന മണ്ഡലങ്ങളിലും കേജരിവാളിന്റെ നേതൃത്വത്തിൽ ശക്തമായ പ്രചാരണം നടത്തി. രാഹുൽ ഗാന്ധിയും അവസാനനിമിഷം കളത്തിലിറങ്ങി. കേജരിവാളിന്റെ അറസ്റ്റിലുണ്ടായ സഹതാപതരംഗവും ബിജെപി വിരുദ്ധ നിലപാടും വോട്ടാകുമോയെന്ന് ജൂൺ നാലിന് അറിയാം.