വിതരണശൃംഖലകൾ വൈവിധ്യവത്കരിക്കാൻ ആഗ്രഹിക്കുന്ന ആഗോള ബിസിനസുകൾക്ക് ഇന്ത്യയിൽ വലിയ അവസരങ്ങളുണ്ടെന്ന് പ്രധാനമന്ത്രി വ്യക്തമാക്കി. ലോക ജനസംഖ്യയുടെ ആറിലൊന്ന് വരുന്ന ഇന്ത്യ ആഗോള നിലവാരത്തിലേക്കു കുതിക്കുകയാണ്.
ചരക്കുസേവന നികുതി (ജിഎസ്ടി), കോർപറേറ്റ് നികുതി കുറയ്ക്കൽ, പാപ്പരത്ത കോഡ്, തൊഴിൽനിയമ പരിഷ്കാരങ്ങൾ തുടങ്ങിയ സുപ്രധാന പരിഷ്കാരങ്ങൾ ഇന്ത്യ നടപ്പാക്കി. ഇന്ത്യയിൽ ബിസിനസ് ചെയ്യാൻ എളുപ്പമാക്കുന്ന നടപടികളാണിതെന്നും മോദി വിശദീകരിച്ചു.
ഇന്ത്യൻ പ്രധാനമന്ത്രിയുടെ വാക്കുകൾ ശ്രദ്ധിച്ചതായി പിന്നീട് ചൈനീസ് വിദേശകാര്യ വക്താവ് മാവോ നിംഗ് അറിയിച്ചു. സുസ്ഥിരമായ ചൈന- ഇന്ത്യ ബന്ധം ഇരുപക്ഷത്തിന്റെയും പൊതുതാത്പര്യങ്ങൾ നിറവേറ്റും. മേഖലയുടെയും അതിനപ്പുറവും സമാധാനത്തിനും വികസനത്തിനും ഉതകുന്നതാണ് ഇരുരാജ്യങ്ങളും തമ്മിലുള്ള നല്ല ബന്ധമെന്നു വിശ്വസിക്കുന്നുവെന്ന് മാവോ നിംഗ് കൂട്ടിച്ചേർത്തു.