നമ്മുടെ വോട്ട് ഒരു ചിഹ്നം മാത്രമല്ല, അതു വളർച്ചയ്ക്കും മികച്ച ഭരണത്തിനുമുള്ള ശക്തമായ ഒരു ഉപകരണമാണ്. എല്ലാ ഇന്ത്യക്കാരുടെയും ജീവിതങ്ങളെ ബാധിക്കുന്ന വിഷയങ്ങളിൽ ശ്രദ്ധ കേന്ദ്രീകരിച്ച് ധാർമികമായി പ്രചാരണം നടത്തണമെന്ന് എല്ലാ സ്ഥാനാർഥികളോടും അഭ്യർഥിക്കുന്നു. ക്രിയാത്മകമായ സംവാദങ്ങളിൽ ഏർപ്പെട്ട് വൈവിധ്യമാർന്ന ജനസംഖ്യയുടെ പ്രശ്നങ്ങൾക്കു പരിഹാരം കാണമെന്നും പ്രസ്താവനയിൽ വ്യക്തമാക്കി.
പൗരന്മാർ എന്നനിലയിൽ തുറന്ന മനസോടെയും സൗഹാർദ ഹൃദയത്തോടെയും തെരഞ്ഞെടുപ്പിനെ സമീപിക്കണം. വൈവിധ്യമാർന്ന വിഷയങ്ങൾ ശ്രവിക്കുകയും പൊതുഅഭിപ്രായം തേടുകയും ചെയ്യാം. എല്ലാവരെയും ഉൾക്കൊള്ളുന്നതും അവരുടെ ഉന്നമനം ലക്ഷ്യംവയ്ക്കുന്നതുമായ സമൂഹം കെട്ടിപ്പടുക്കുന്നതിനായി പ്രവർത്തിക്കണമെന്നും എൻയുസിഎഫ് പ്രസ്താവനയിൽ അഭ്യർഥിച്ചു.
സിബിസിഐ ജനറൽ സെക്രട്ടറി ആർച്ച്ബിഷപ് ഡോ. അനിൽ കൂട്ടോ, എൻസിസിഐ ജനറൽ സെക്രട്ടറി റവ. ഐസർ എബനൈസർ, എഎഫ്ഐ ജനറൽ സെക്രട്ടറി റവ. വിജേഷ് ലാൽ എന്നിവരാണ് സംയുക്ത പ്രസ്താവന ഇറക്കിയത്.